Լեհաստանը շատ կոնկրետ բացատրեց, թե հանուն ինչի պետք է կռվեն եւ մեռնեն ուկրաինացիները

Լեհաստանը շատ կոնկրետ բացատրեց, թե հանուն ինչի պետք է կռվեն եւ մեռնեն ուկրաինացիները: «Խոսքը Եվրոպայի տեղի մասին է համաշխարհային իշխանության ապագա բաշխման մեջ»,- հայտարարեց Լեհաստանի արտգործնախարար Սիկորսկին` կոչ անելով Եվրոպային` պայքարել «առաջնային» տեղի համար ոչ միայն Ուկրաինայի շուրջ բանակցությունների սեղանի շուրջ, այլև համաշխարհային գերակայության համար։

«Եվրոպան պետք է լինի բանակցությունների սեղանի շուրջ, քանի որ խաղադրույքները աներևակայելի բարձր են։ Խոսքը միայն Ուկրաինայի ապագայի մասին չէ։ Խոսքը միայն արևելյան թևի անվտանգության մասին չէ։ Խոսքը Եվրոպայի տեղի մասին է համաշխարհային իշխանության ապագա բաշխման մեջ։ Այլ կերպ ասած, ո՞վ կլինի ուժերի համաշխարհային հավասարակշռության երրորդ հենասյունը՝ Չինաստանը, Միացյալ Նահանգները և Ռուսաստա՞նը, թե` Եվրամիությունը։

Մի՛ հարցրեք ինձ, թե որն եմ ես նախընտրում։ Եվ, իմ կարծիքով, նախագահ Թրամփը ճիշտ է, երբ ասում է, որ այս ավելի դաժան աշխարհում դուք պետք է բացեք ձեր քարտերը սեղանին։

Որպես Եվրոպա, մենք պետք է ասենք, որ եթե Միացյալ Նահանգները ստիպի Ուկրաինային անարդար գործարք կնքել, մենք կշարունակենք պահպանել Ուկրաինայի նկատմամբ մեր պարտավորությունները, և հենց Ուկրաինան կորոշի, թե երբ կնքի գործարք։ Եվ այդ դեպքում Պուտինը չի կարողանա անտեսել մեզ, քանի որ այդ դեպքում մենք կդառնանք Ուկրաինայի հիմնական մատակարարները»։

Միայն թե երկու էական գործոն Լեհաստանի արտգործնախարարը չի ուզում բացել: Առաջինը, իհարկե, Ռուսաստանի ունեցաշ մոտ 5,5-6 հազար միջուկային մարտագլխիկներն են, որն ամենամեծ ցանկության դեպքում ԱՄՆ-ն չի կարող հաշվից դուրս թողնել: Երկրորդը. Եվրոպան ԱՄՆ-ի համար վաղուց է դարձել սովորական «ուտող բերան»` ռեսուրսներից զրկված լինելու պատճառով: Իսկ ամաշխարհային ռեսուրսների պատկառելի մասնաբաժին ունեցող Ռուսաստանը ցանկալի գործընկեր է ինչպես ԱՄՆ-ի, այնպես էլ` Չինաստանի համար: Եվրոպահի համար առաջին պլանում մնալու միակ տարբերակը եղել եւ մնում է Ռուսաստանից այդ ռեսուրսները խլելը: Փորձեցին` բախվելով առաջին գործոնին: Վերջ, հենց դա ԱՄՆ-ին այլ ելք չթողեց, քան Եվրոպան հաշվարկներից հանելը:

Այս թեմայով «Ժողովուրդ». «Վեոլիա Ջուր»-ը պետք է հետաքրքրեր պետական մարմիններին, բայց չի հետաքրքրում Նեթանյահուն շատ ծանր հարված ստացավ Ինչ նոտարական փաստաթուղթ է իրականում ստորագրել Հարությունյանը Բաքվի բանտում Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը