Հայաստանն ու Ադրբեջանն ինքնիշխան պետություններ են, բոլոր իրավունքներն ունեն հարաբերություններ կառուցել ԱՄՆ-ի հետ․ Պեսկով

Հայաստանն ու Ադրբեջանն ինքնիշխան պետություններ են, ուստի ունեն բոլոր իրավունքները հարաբերություններ կառուցելու ցանկացած երկրի, այդ թվում՝ Միացյալ Նահանգների հետ, հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ԱՄՆ փոխնախագահ Ջեյ Դի Վենսի Հարավային Կովկաս կատարած այցը և երեք երկրների կողմից խոշորածավալ համատեղ նախագծերի մասին հայտարարությունները։ Պեսկովի խոսքով՝ Ռուսաստանը շահավետ համագործակցում է ինչպես Հայաստանի, այնպես էլ Ադրբեջանի հետ գրեթե բոլոր ոլորտներում։ 

«Մենք ունենք երկկողմ հարաբերությունների լայն շրջանակ և՛ Բաքվի, և՛ Երևանի հետ, որը տարածվում է բոլոր հնարավոր ոլորտների վրա։ Սա ներառում է փոխշահավետ առևտրատնտեսական համագործակցություն, փոխադարձ ներդրումներ և մշակութային հարաբերություններ։ Եվ, իհարկե, մենք մտադիր ենք զարգացնել այս հարաբերությունները մեր գործընկերների հետ այնպես, որ դրանք շահավետ լինեն ոչ միայն մեր, այլև նրանց համար»,- հավելել է Պեսկովը։ Մոսկվան ակնկալում է շարունակել համագործակցությունը Երևանի հետ ինտեգրացիոն նախագծերի շուրջ, մասնավորապես՝ Եվրասիական տնտեսական միության (ԵԱՏՄ) շրջանակներում, ընդգծել է նա։ 

«Մեզ Հայաստանի հետ միավորում են ինտեգրացիոն նախագծերը։ Դժվար թե որևէ մեկը վիճարկի ԵԱՏՄ-ի դերն այս երկրի տնտեսական զարգացման բարձր տեմպերի պահպանման գործում. դրա դերն ակնհայտ է։ Եվ մենք հույս ունենք, որ մեր համագործակցությունը կշարունակվի»,- ասել է Պեսկովը։ Վենսի և ՀՀ վարչապետ Նիկոլ Փաշինյանի հանդիպման ժամանակ ստորագրվել էր երկու երկրների միջև միջուկային էներգիայի խաղաղ օգտագործման ոլորտում համագործակցության մասին հայտարարություն։

Այս թեմայով Մոտ ապագայում ակնկալում ենք եռակողմ հանդիպում, բայց նոր առաջարկներ չկան. Պեսկով Ռուսաստանը պատրաստ է խաղաղության հասնել Ուկրաինայում, ամեն ինչ կախված է Կիևից․ Պեսկով Փաշինյանի հայերեն ելույթը Հայաստանի ինքնիշխանությունն ընդգծելու ձգտման ազդանշան էր. Պեսկով Կիևը դեռևս հակված չէ լսել միջնորդներին` հակամարտության կարգավորման գործում. Պեսկով Մենք չենք կարող ավելի հայ լինել, քան իրենք՝ հայերը. Պեսկով