«ԳՆԱՑԵԼ Է ՄԱՐՏԱԿԱՆ ԸՆԿԵՐՆԵՐԻՆ ՕԳՆՈՒԹՅԱՆ, ԶՈՀՎԵԼ ՀԵՐՈՍԱԲԱՐ ԱՆՕԴԱՉՈՒ ԹՌՉՈՂ ՍԱՐՔԻ ՀԱՐՎԱԾԻՑ». ԱՆՄԱՀ ՀԵՐՈՍ ԷԴՄՈՆ ՄՆԱՑԱԿԱՆՅԱՆ

2020 թվականի Արցախյան 44-օրյա դաժան պատերազմում ցավոք կորցրեցինք հազարավոր լուսավոր երիտասարդների, նրանցից մեկն էլ ԷԴՄՈՆ ԱՐՏԱԿԻ ՄՆԱՑԱԿԱՆՅԱՆՆ էր։ Փետրվարի 10-ը նրա ծննդյան օրն էր, կդառնար 25 տարեկան։ Անմահ հերոսի հուշարձանին են այցելել հարազատներ, ընկերներ, ծաղիկներ խոնարհել ու խնկարկել։ Էդմոնի հարազատը, բռնցքամարտիկ ՋԱՆԻԿ ՍԱՀԱԿՅԱՆԸ, Iravunk. com -ի հետ զրույցում, խորը ցավը սրտում պատմեց.

«Էդմոնը ծնվել է 2001 թվականի փետրվարի 10-ին, Կոտայքի մարզի Աբովյան քաղաքում։ Նա փոքր տարիքից զբաղվում էր սպորտով, հաճախում էր տարբեր մարզաձևերի. Ֆուտբոլի, կարատեի ու լողի։ Սովորել է Աբովյանի թիվ 10 միջնակարգ դպրոցում, իսկ հետո Աբովյանի թիվ 4 ավագ դպրոցում։ 2019-ին ընդունվել է Հայաստանի Ազգային ագրարային համալսարան։ Նույն թվականին էլ ծառայության է անցել Արմավիրում, ապա Կուբաթլույում։ Էդմոնը շատ խելացի էր։ Նա շատ կարճ ժամանակում տիրապետել է իր զինվորական մասնագիտությանը, դարձել ուսման մեջ առաջատար ու կարգապահ մարտիկ։ Մարտական պատրաստության ժամանակ, ցուցաբերել է բարձր ցուցանիշներ։ Նա տանկիստ - մեխանիկ էր։ Իր զինվորական կազմում վայելել է արժանի հեղինակություն։ Չարաբաստիկ 2020 թվականի սեպտեմբերի 27-ին սկսված Արցախյան 44֊օրյա դաժան պատերազմում, թեժ մարտեր է մղել նենգ ոսոխի դեմ, պատերազմի ամենաթեժ կետերում, լինելով հենց առաջնագծում։ Շուրջ 6 ամիս անհայտության մեջ մնալուց հետո, նրա մարմինը գտնվել է միայն ապրիլի 5֊ին։ Հերոսաբար զոհվել է անօդաչու թռչող սարքի հարվածից, հոկտեմբերի 2-ին, Ջրականի թեժ մարտերի ժամանակ, երբ գնացել էր մարտական ընկերներին օգնության։ Որքան էլ ժամանակ անցնի, միևնույն է, երբեք չենք կարող համակերպվել այս դաժան իրողության հետ»։ ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով ԱՄՆ–ին կհաջողվի՞ իրանում քաղաքացիական պատերազմ հրահրել Ուկրաինայում նաեւ Սարդ-մարդուն են մոբիլիզացրել պատերազմ ուղարկելու համար (Ֆոտո) 26 ՏԱՐԻ ԱՌԱՆՑ ԽԻԶԱԽ ՀԱՅՈՐԴԻ ՎԱՐՈՒԺԱՆ ԴԱՎԹՅԱՆԻ