Ո՞ւմ էր պետք հեղինակավոր գեներալին «մեջտեղից հանելը»

­Վեր­ջին օ­րե­րի ա­մե­նաաղմ­կոտ ի­րա­դար­ձութ­յուն­նե­րից էր, ինչ խոսք, ՌԴ ԳՇ Հե­տա­խու­զութ­յան գլխա­վոր վար­չութ­յան, կամ, ա­վե­լի տա­րած­ված տար­բե­րա­կով` ԳՌՈՒ-ի ղե­կա­վա­րի ա­ռա­ջին տե­ղա­կալ, գե­նե­րալ-լեյ­տե­նանտ Վ­լա­դի­միր Ա­լեք­սե­եւի դեմ մա­հա­փոր­ձը: Սա ըն­դա­մե­նը գե­նե­րա­լի` շար­քից հա­նե­լու դրվագ չէ, այլ շատ ա­վե­լին եւ մի քա­նի ի­մաստ­նե­րով:

ՁԱԽՈՂՎԱԾ ՄԱՀԱՓՈՐՁ

Այս­պես, ռու­սա­կան (ա­սենք նաեւ ուկ­րաի­նա­կան) ԳՌՈՒ-ն թեեւ քիչ տե­սա­նե­լի, սա­կայն ա­մե­նաա­ռանց­քա­յին դե­րա­կա­տա­րութ­յուն ու­նի պա­տե­րազ­մի ըն­թաց­քի վրա: Ու այս­տեղ ա­ռանձ­նա­հա­տուկ է գե­նե­րալ Ա­լեք­սեե­ւի, կամ, ինչ­պես ռազ­մա­կան, մաս­նա­գի­տա­կան եւ փոր­ձա­գի­տա­կան շրջա­նակ­նե­րում են ան­վա­նում` Ս­տե­փա­նի­չի ֆունկ­ցիան:

­Նույն­պես շատ կա­րե­ւոր է փաս­տը, որ հենց ԳՌՈՒ-ի պե­տը` ադ­մի­րալ Ի­գոր Կոստ­յու­կովն է ղե­կա­վա­րում Ա­բու Դա­բիում Ռ­Դ-ի, ԱՄՆ-ի եւ Ուկ­րաի­նա­յի մի­ջեւ ե­ռա­կողմ բա­նակ­ցութ­յուն­նե­րում ռու­սա­կան պատ­վի­րա­կութ­յու­նը, եւ այս գոր­ծըն­թա­ցում եւս Ս­տե­փա­նի­չը, դա­տե­լով փոր­ձա­գի­տա­կան գնա­հա­տում­նե­րից, ու­նի քիչ տե­սա­նե­լի, սա­կայն կա­րե­ւո­րա­գույն գոր­ծա­ռույթ­ներ:

Այն, որ մա­հա­փոր­ձը տե­ղի ու­նե­ցավ Ա­բու Դա­բիի բա­նակ­ցութ­յուն­նե­րի վեր­ջին փու­լի ա­վար­տից հե­տո, ի­հար­կե, չէր կա­րող պա­տա­հա­կան լի­նել: Ա­վե­լին, այդ փաս­տը մա­հա­փոր­ձի հիմ­նա­կան վար­կած է դարձ­նում հենց այդ ուղ­ղութ­յու­նը` բա­նակ­ցա­յին գոր­ծըն­թա­ցը: Այ­սինքն, որ փոր­ձե­լով սպա­նել ՌԴ ԳՌՈՒ-ի պե­տի տե­ղա­կա­լին, լուծ­վում էր ոչ թե ռազ­մա­կան, այլ` քա­ղա­քա­կան խնդիր: Ընդ ո­րում, դա­տե­լով ի­րա­վի­ճա­կից, այս­տեղ խոս­քը շատ ա­վելի գլո­բալ հար­ցե­րի մա­սին է, քան ըն­դա­մե­նը հե­ղի­նա­կա­վոր գե­նե­րա­լին «մեջ­տե­ղից հա­նե­լը»: Ին­չի՞ մա­սին է խոս­քը...

­Ձեր­բա­կալ­վել է ինչ­պես Ս­տե­փա­նի­չի վրա կրա­կո­ղը, այն­պես էլ նրա հան­ցա­կից­նե­րը: Ռու­սաս­տա­նի քա­ղա­քա­ցի­ներ են, բայց... բուն կրա­կո­ղը, որ հասց­րել էր թռչել Է­մի­րատ­ներ` Դու­բայ, եւ տե­ղի հա­տուկ ծա­ռա­յութ­յուն­նե­րը միան­գա­մայն օ­պե­րա­տիվ կեր­պով նրան բռնե­ցին եւ հանձ­նե­ցին ռուս­նե­րին` Լ­յու­բո­միր Կոր­բան, ծա­գու­մով Ա­րեւմտ­յան Ուկ­րաի­նա­յից է: Գլ­խա­վոր հան­ցա­կի­ցը` Զի­նաի­դա Սե­րեբ­րից­կա­յան, ով հասց­րել է փախ­չել Ուկ­րաի­նա, նույն­պես ծա­գու­մով ուկ­րաի­նու­հի է: Վիկ­տոր Վա­սի­նը, ո­րի դե­րը նման է, որ ե­ղել է սահ­մա­նա­փակ, եւ ձեր­բա­կալ­վել է Մոսկ­վա­յում, բուն ռու­սաս­տան­ցի է: Հիմ­նա­կան դե­րա­կա­տար­նե­րի ուկ­րաի­նա­կան ծա­գում­նա­բա­նութ­յունն ա­ռաջ­նա­յին հան­ցա­գոր­ծութ­յու­նը կա­պում է Ուկ­րաի­նա­յի հա­տուկ ծա­ռա­յութ­յուն­նե­րի հետ: Չ­նա­յած, այս­տեղ շատ մեծ մեկ «բայց» կա:

­Հի­շեց­նենք, Ա­բու Դա­բիի խմբում ուկ­րաի­նա­կան պատ­վի­րա­կութ­յու­նը փաստա­ցի ղե­կա­վա­րում է Կի­րիլ Բու­դա­նո­վը` Զե­լենս­կու գրա­սեն­յա­կի ղե­կա­վա­րը` Եր­մա­կի փո­խա­րեն: Բու­դա­նո­վը մինչ վեր­ջերս այդ նշա­նա­կու­մը, չնա­յած ընդգ­ծենք` ակն­հայ­տո­րեն Վա­շինգ­տո­նի մի­ջամ­տութ­յամբ նշա­նա­կու­մը ղե­կա­վա­րում էր ուկ­րաի­նա­կան նույն կա­ռույ­ցը, ինչ ռու­սա­կան պատ­վի­րա­կութ­յան ղե­կա­վար Կոստ­յու­կո­վը` ուկ­րաի­նա­կան ԳՌՈՒ-ն: Ընդ ո­րում, այդ կա­ռույցն այս պա­հին էլ մնում է Բու­դա­նո­վի լիա­կա­տար վե­րահս­կո­ղութ­յան տակ: Ընդ ո­րում, ուկ­րաի­նա­կան ԳՌՈՒ-ն, ին­չը նաեւ այդ կա­ռույ­ցից են քա­նիցս հաս­տա­տել, Ռու­սաս­տա­նի տա­րած­քում (եւ ոչ միայն) ի­րա­կա­նաց­րել է բա­զում նման հար­ձա­կում­ներ: Միայն թե այս դեպ­քում մի փոքր տա­րօ­րի­նակ կստաց­վեր, որ Բու­դա­նո­վը մի կող­մից բա­նակ­ցում է Կոստ­յու­կո­վի հետ, մյուս կող­մից` հրա­մա­յում է կրա­կել նրա տե­ղա­կա­լի վրա: Ի­մաստ կլի­ներ, ե­թե ցան­կա­նար տա­պա­լել բա­նակ­ցութ­յուն­նե­րը: Բայց ցան­կա­նո՞ւմ է. սա էա­կան հարց է…

ՀՈՒՍԱՀԱՏ ՎԵՐՋԻՆ ՔԱ՞ՅԼ

Կրկ­նենք, Բու­դա­նո­վը ներ­կա­յիս դիր­քին է հա­սել ա­մե­րի­կա­ցի­նե­րի հաշ­վին, են­թարկ­վում է այն­տե­ղից ե­կած հրա­հանգ­նե­րին, ի տար­բե­րութ­յուն մինչ այդ Զե­լենս­կու գրա­սեն­յա­կը եւ ուկ­րաի­նա­կան բա­նակ­ցա­յին խում­բը ղե­կա­վա­րող եւ բրի­տա­նա­կան MI6-ի գոր­ծա­կա­լի հա­մա­րում ու­նե­ցող Եր­մա­կը: Վեր­ջինս, ի­հար­կե, ցան­կա­նում էր ձա­խող­ման տա­նել Թ­րամ­փի պար­տադ­րած բա­նակ­ցութ­յուն­նե­րը. հենց դրա հա­մար ա­մե­րի­կա­ցի­նե­րը խա­ղար­կե­ցին Եր­մա­կին չե­զո­քաց­նե­լու օ­պե­րա­ցիան` ա­ռաջ բե­րե­լով Բու­դա­նո­վին: Ու հի­մա, ինչ­պես նաեւ ուկ­րաի­նա­կան մի շարք տեղ­յակ աղբ­յուր­ներն են պնդում, Բու­դա­նո­վը փոր­ձում է ա­վար­տին հասց­նել բա­նակ­ցա­յին գոր­ծըն­թա­ցը` Զե­լենս­կուն մղե­լով` հա­մա­ձայն­վել Դոն­բա­սը հանձ­նե­լու պա­հան­ջին:

­Թե որն է ի­մաս­տը, փոր­ձա­գի­տա­կան աղբ­յու­րը բա­ցատ­րում է. «Բու­դա­նո­վը, ի­հար­կե` ոչ ա­ռանց ա­մե­րիկ­յան ա­ջակ­ցութ­յան, այս պա­հին Զե­լենս­կուց վար­կա­նի­շա­յին ի­մաս­տով կտրուկ ա­ռաջ է ան­ցել: Ա­վե­լին, նա ար­դեն նաեւ հաղ­թա­կան դիր­քեր ու­նի Լոն­դո­նում ծվա­րած ուկ­րաի­նա­կան նախ­կին հրա­մա­նա­տար Զա­լիժ­նիի նկատ­մամբ: Այ­սինքն, «ե­թե վա­ղը ընտ­րութ­յուն­ներ» տար­բե­րա­կի դեպ­քում, ա­մե­նա­մեծ հա­վա­նա­կա­նութ­յամբ, ա­մե­րի­կա­ցի­նե­րը հենց Բու­դա­նո­վին կտան ուկ­րաի­նա­կան «թա­գը»: Ա­ռա­վել եւս, ե­թե կա­րո­ղա­նա հաս­նել խա­ղա­ղութ­յան, ո­րին կողմ են ուկ­րաի­նա­ցի­նե­րի բա­ցար­ձակ մե­ծա­մաս­նութ­յու­նը: Իսկ ե­թե դրա հա­մար պետք է Դոն­բա­սը տալ, ա­պա ինչ կա, այդ բե­ռը մնում է Զե­լենս­կու վրա»:

Իսկ ա­հա Զե­լենս­կին պարզ հաս­կա­նում է, որ պաշ­տո­նը կորց­նե­լու դեպ­քում իր գխի հա­մար քոռ կո­պեկ ան­գամ տվող չի լի­նի, հի­մա ի­րեն ինչ անձ­նա­կան անվ­տան­գութ­յուն էլ որ խոս­տա­նան: Ե­րեք հիմ­նա­կան պատ­ճա­ռով: Թ­րամ­փը դեռ ա­ռա­ջին նա­խա­գա­հա­կան ժամ­կե­տից է Զե­լենս­կուն հա­մա­րում անձ­նա­կան թշնա­մի: Հա­ջոր­դը. պա­տե­րազ­մի հաշ­վին տասն­յակ մի­լիարդ­ներ է կու­տա­կել, եւ ոչ մե­կը չի թող­նի, որ այդ փողն առ­նի ու հան­գիստ հե­ռա­նա: Եր­րոր­դը` չա­փից դուրս շատ բան գի­տի, այդ թվում` մեծ քա­ղա­քա­կա­նութ­յու­նից:

­Մինչ­դեռ Ա­բու Դաբիում ըն­թա­ցող բա­նակ­ցութ­յուն­նե­րը, ան­կախ Զե­լենս­կու մի քա­նի հայ­տա­րա­րութ­յուն­նե­րից, թե Դոն­բա­սը չի տա, շա­րու­նակ­վում են. այս շա­բաթ տե­ղի կու­նե­նա հեր­թա­կան փու­լը: Ընդ ո­րում, դեռ մին­չեւ նա­խորդ փուլն էին բրի­տա­նա­ցի­ներն ա­հա­զան­գում, որ Թ­րամ­փը պա­հան­ջում է ա­մե­նաու­շը մա­յի­սի կե­սե­րին Ուկ­րաի­նա­յում ընտ­րութ­յուն­ներ անց­կաց­նել: Հի­մա դա նաեւ Զե­լենս­կին է խոս­տո­վա­նում, թե ԱՄՆ-ն Ուկ­րաի­նա­յի եւ Ռու­սաս­տա­նի հա­մար հու­նիս­յան վերջ­նա­ժամ­կետ է սահ­մա­նել` պա­տե­րազ­մը դա­դա­րեց­նե­լու հա­մար: Մի փոքր ստում է. դա ոչ թե Ռու­սաս­տա­նի, այլ իր` Զե­լենս­կու հա­մար է վերջ­նա­ժամ­կետ: Թե ին­չու մա­յի­սին, դա եւս բա­ցատ­րե­լի է. Թ­րամ­փը մտնում է Կոնգրեսի վտանգավոր նա­խընտ­րա­կան փուլ, եւ Ուկ­րաի­նա­յում խա­ղա­ղութ­յան պայ­մա­նագ­րի հաս­նե­լը նրա հա­մար նա­եւ հզոր նա­խընտ­րա­կան քայլ է:

Ա­մեն դեպ­քում, որ­քան էլ Զե­լենս­կին փոր­ձում է բա­նակ­ցութ­յուն­նե­րը ձգել կամ ձա­խո­ղել իր տա­րաբ­նույթ հայ­տա­րա­րութ­յու­ննե­րով, մեկ բան նկատ­վում է` բա­նակ­ցա­յին թի­մե­րը շա­րու­նա­կում են աշ­խա­տել: Այն է` Զե­լենս­կին ար­դեն կորց­րել է կամ կա­րող է կորց­նել իր բա­նակ­ցա­յին թի­մի հան­դեպ վե­րահս­կո­ղութ­յու­նը: Ու դա շատ ռեալ է, նաեւ հաշ­վի առ­նե­լով, որ նրա գլխա­վոր հո­վա­նա­վոր­նե­րի` բրի­տա­նա­ցի­նե­րի մոտ շատ խա­ռը ժա­մա­նակ­ներ են` Էպշ­տեյ­նի սկան­դա­լի հետ կապ­ված: Սթարմերի հրաժարականի հարցը մազից է կախված, եւ ռեալ քա­ղա­քա­կան ա­ջակ­ցութ­յուն չեն կա­րո­ղա­նում ցու­ցա­բե­րել: Այդ թվում, ինչ­պես բրի­տա­նա­ցի­նե­րը, այն­պես էլ եվ­րո­պա­ցի­նե­րը Ա­բու Դա­բիի գոր­ծըն­թա­ցի հան­դեպ ու­նեն ըն­դա­մե­նը պա­սիվ դի­տոր­դի դեր:

Այ­սինքն, ըստ այս տրա­մա­բա­նութ­յան, Բու­դա­նո­վը հի­մա պետք է ա­մե­րիկ­յան հո­վա­նա­վո­րութ­յամբ ա­վար­տին հասց­նի հայ­տ­նի պայ­ման­նե­րով բա­նակ­ցութ­յուն­նե­րը, դրանց պա­տաս­խա­նատ­վութ­յու­նը թող­նի Զե­լենս­կու վրա, հան­րաք­վեով այդ ա­մե­նը կօ­րի­նա­կա­նաց­վի, ո­րից հե­տո նա հան­գիստ կնստի ուկ­րաի­նա­կան նա­խա­գա­հի ա­թո­ռին: Ըստ այդմ. նրան հի­մա պե՞տք է բա­նակ­ցութ­յուն­նե­րը տա­պա­լել` ի­րեն են­թա­կա կա­ռույ­ցի մի­ջո­ցով կազ­մա­կեր­պե­լով գե­նե­րալ Ա­լեք­սեե­ւի մա­հա­փոր­ձը: Նաեւ հաշ­վի առ­նե­լով, որ ե­թե բա­նակ­ցութ­յուն­նե­րը ձա­խող­վեն, ա­պա Բու­դա­նո­վին որ­պես չա­փա­զանց վտան­գա­վոր թշնա­մի դի­տար­կող Զե­լենս­կին չի հա­պա­ղի ձա­խո­ղու­մը նրա վրա բար­դել` շատ ա­րագ հե­ռաց­նե­լով իր ներ­կա դիր­քից:

Այս­պի­սով, Բու­դա­նո­վին պե՞տք է բա­նակ­ցութ­յուն­նե­րը ձա­խո­ղել. ըստ ա­մե­նայ­նի` ոչ:

Ո՞ւմ է դա պետք. ակն­հայ­տո­րեն Զե­լենս­կուն, ո­րը կորց­նում է պաշ­տո­նը, ո­րից հե­տո նրան հաս­տատ կոչն­չաց­նեն:

­Պետք է նաեւ Բ­րի­տա­նիա­յին, որն այս զար­գա­ցում­նե­րի դեպ­քում Ուկ­րաի­նա­յում կկորց­նի ա­մեն բան:

­Սա­կայն Զե­լենս­կին, ա­ռանց Բու­դա­նո­վին են­թա­կա Հե­տա­խու­զութ­յան գլխա­վոր վար­չութ­յան, քիչ հնա­րա­վո­րութ­յուն­ներ ու­նի ռու­սա­կան ԳՌՈՒ-ի պե­տի տե­ղա­կա­լի դեմ մա­հա­փորձ կազ­մա­կեր­պե­լու հա­մար. Ա­լեք­սեեւն այն մար­դը չէ, ո­րի վրա հնա­րա­վոր է կրա­կել` ինչ-որ պա­տա­հա­կան քիլ­լե­րի ու­ղար­կե­լով:

ՈՐՊԵՍ ՎԵՐՋԱԲԱՆ

Բ­րի­տա­նա­ցի­նե­րը, ի­հար­կե, կա­րող են նման օ­պե­րա­ցիա կազ­մա­կեր­պել եւ ա­ռանց Բու­դա­նո­վի օգ­նութ­յան: Դա, ի­հար­կե, կլի­ներ ծայ­րա­հեղ ռիս­կա­յին: Բայց ե­թե խա­ղա­քար­տին է դրված ա­մեն բան կորց­նե­լու հե­ռան­կա­րը, նման ռիս­կը տրա­մա­բա­նա­կան է դառ­նում: Չ­նա­յած, ե­թե ան­գամ սրա տակ բրի­տա­նա­ցի­ներն են, մեկ է, մե­ղադ­րանք­նե­րը կուղղ­վեն հենց Զե­լենս­կուն. Թ­րամ­փը ձեռ­քից բաց չի թող­նի հա­վել­յալ ճնշման նման փայ­լուն ա­ռի­թը: Ու ուկ­րաի­նա­կան աղբ­յուր­նե­րի լու­րեր, թե ռուս­նե­րը կա­րո­ղա­ցան գոր­ծը շատ ա­րագ բա­ցա­հայ­տել, քա­նի որ Զե­լենս­կու շրջա­պա­տից տե­ղե­կութ­յուն ստա­ցան, մեր­կա­պա­րա­նոց չի թվում:

Ա­մեն դեպ­քում, հան­ցա­գոր­ծութ­յան հիմ­նա­կան դե­րա­կա­տա­րին թեեւ հասց­րին օբ­յեկտի­վո­րեն է­վա­կո­ւաց­նել, բայց ե­րե­ւի չէին սպա­սում, որ Դու­բա­յում կգե­րա­դա­սեն Մոսկ­վա­յի, այլ ոչ թե, սո­վո­րա­կա­նի պես, Լոն­դո­նի «խնդրան­քը» կա­տա­րել` Կոր­բա­յին ար­տա­հանձ­նել-չար­տա­հանձ­նե­լու հետ կապ­ված: Չ­նա­յած` կա­րե­լի է նաեւ մտա­ծել, որ ա­մե­րի­կա­ցի­նե­րը եւս ի­րենց ստվե­րա­յին դերն այս­տեղ ու­նե­ցել են: Ու դա կա­րե­լի է հաս­կա­նալ. Զե­լենս­կին աղմ­կում է, որ ներ­կա պա­հին Դ­միտ­րիեւ-Ո­ւիտ­կոֆ ձե­ւա­չա­փում շրջա­նառ­վում է ոչ ա­վել, ոչ պա­կաս 12 տրի­լիոն դո­լա­րա­նոց բիզ­նես-փա­թեթ: Հա­նուն նման փո­ղե­րի, ի­հար­կե, Պու­տի­նը Թ­րամ­փի հա­մար կդառ­նա պատ­մա­կան մասշ­տա­բի լա­վա­գույն ըն­կե­րը:

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Այո՛, պաշտոնյան գրիչ էլ պիտի նվեր չստանա, իրեն պետք է, թող գնա, առնի, սա է ճիշտը. Փաշինյան