«ՀԱԿԱՌԱԿՈՐԴԻՆ ՊԱՏՃԱՌԵԼ Է ՄԵԾԱՔԱՆԱԿ ԿՈՐՈՒՍՏՆԵՐ, ԶՈՀՎԵԼ ՀԵՐՈՍԱԲԱՐ» ԱՆՄԱՀ ՀԵՐՈՍ ԳԵՎՈՐԳ ՀՈՒՆՈՅԱՆ

Այսօր, փետրվարի 10-ը, Արցախյան 44-օրյա ահաբեկչական պատերազմի անմահ հերոս ԳԵՎՈՐԳ ՀՈՒՆՈՅԱՆԻ ծննդյան օրն է, կդառնար 25 տարեկան։ Նա ծնունդով Շիրակի մարզի Ախուրյանի շրջանի Ազատան գյուղից էր։ Անմահ հերոսի հուշարձանին են այցելել հարազատներ, ընկերներ, համագյուղացիներ, ծաղիկներ խոնարհել ու խնկարկել։ Անմահ հերոսի եղբայրը ՎԱՐԴԳԵՍ ՀՈՒՆՈՅԱՆԸ, Iravunk. com -ի Շիրակի մարզի թղթակցի հետ զրույցում, խորը ցավը սրտում պատմեց.

«Եղբայրս միշտ մեզ ասում էր, որ Արցախում է ծառայելու և հենց այդպես էլ եղավ։ 2019֊ի հուլիսի 9-ից ծառայության է անցել «Արա լեռ» զորամասում, բայց Արցախյան 44֊օրյա ահաբեկչական պատերազմի հենց առաջին օրվանից սկսած եղել է ամենաթեժ կետերում։ Նա առանց վարանելու կատարել է իր առջև դրված բացառապես բոլոր մարտական առաջադրանքները ու իր «Գրադ» տեսակի հրետանիով մեծաքանակ կորուստներ պատճառել թշնամուն ու նույնիսկ նրան հետ չի պահել իր հրետանու անսարք վիճակը։ Ժամանակին ճիշտ կողմնորոշվելով, կարողացել է շուտափույթ վերանորոգել և կրկին շարունակել մարտական գործողությունների կատարմանը։

Պատերազմի թեժ օրերին ժամանակ էր գտնում, ամեն օր զանգում էր ու հարցնում բոլորից։ Ասում էր, հո մեր գյուղից մարդ չի եկել, թող ոչ ոք չգա, ես կկռվեմ բոլորի փոխարեն։ Եվ այո, նա կռվեց մեր բոլորի փոխարեն, չխնայելով ոչ մի բան, զոհվեց հերոսաբար։ Հայրենասիրությունն իր հոգու մեջ էր։ Նա ոչ մի անգամ չէր խոսում այդ մասին, սակայն կռվով ապացուցեց»։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով ԱՄՆ–ին կհաջողվի՞ իրանում քաղաքացիական պատերազմ հրահրել Ուկրաինայում նաեւ Սարդ-մարդուն են մոբիլիզացրել պատերազմ ուղարկելու համար (Ֆոտո) 26 ՏԱՐԻ ԱՌԱՆՑ ԽԻԶԱԽ ՀԱՅՈՐԴԻ ՎԱՐՈՒԺԱՆ ԴԱՎԹՅԱՆԻ