ԱՄՆ-ՌԴ բանակցությունները «սխալ ուղղությամբ» են շարժվում. Լավրով

Ռուսաստանի արտաքին գործերի նախարար Սերգեյ Լավրովը հայտարարել է, որ Մոսկվայի և Վաշինգտոնի միջև բանակցությունները չեն ընթանում սպասված ուղղությամբ, չնայած ԱՄՆ նախագահ Դոնալդ Թրամփի վարչակազմը ձևականորեն հաշվի է առնում Ռուսաստանի շահերը Ուկրաինայի հարցում։ Այդ մասին նա նշել է «НТВ» հեռուստաալիքին տված հարցազրույցում։

Լավրովի խոսքով՝ Թրամփի երկրորդ նախագահական ժամկետի ընթացքում Ռուսաստանի ուղղությամբ իրականացված գործնական քայլերի վերլուծությունը ցույց է տալիս, որ իրական առաջընթաց չկա։ Նա ընդգծել է, որ Միացյալ Նահանգները շարունակում է պահպանել պատժամիջոցային ճնշումը Ռուսաստանի նկատմամբ, իսկ երկկողմ համագործակցության ոլորտում զգալի առաջընթաց չի արձանագրվել։

Ռուսաստանի արտգործնախարարը նշել է նաև, որ Վաշինգտոնը պատրաստակամություն է հայտնել քննարկել հարաբերությունների խնդիրների լուծումը միայն Ուկրաինայի հակամարտության կարգավորումից հետո։ Նրա գնահատմամբ՝ թեև կողմերը սկզբում համաձայնել էին համագործակցության ձևաչափի շուրջ, իրականում իրավիճակը զարգանում է հակառակ ուղղությամբ։

Այս թեմայով ՌԴ-ի և ՀՀ-ի երկխոսությունը բխում է երկու երկրների ժողովուրդների շահերից․ Լավրովը՝ Միրզոյանին Լավրով. Մոսկվան արևմտյան զորքերի տեղակայումն Ուկրաինայում կդիտարկի որպես պատերազմի հայտարարում ՌԴ-ն չի ցանկանում վճարել Հայաստանի՝ ԵՄ անդամակցության համար. Լավրով Լավրով. Ուկրաինայում գտնվող բոլոր օտարերկրյա ռազմական կառույցները օրինական թիրախներ կլինեն Թուլացման ֆոնին, ավելի ու ավելի կոշտ և ագրեսիվ գործողությունների է անցնում. Լավրով