«Ժողովուրդ». Որքան ոսկի կա Ամուլսարում

«Ժողովուրդ» օրաթերթը գրում է. «Ոսկու գնի տատանումը առաջացրել է թե՛ գնորդների, թե՛ վաճառողների զայրույթը։ Վերջին 1–2 շաբաթում ոսկու արժեքը րոպե առ րոպե նվազում և աճ է արձանագրել։

Նախորդ շաբաթ նույն օրը 1 գրամ ոսկին 64 հազար դրամ էր։ Այսօր այն նվազել է՝ դառնալով 60 հազար դրամ։

NYMEX բորսայի փետրվարի 4-ի առևտրային նստաշրջանի արդյունքում սահմանվել է, որ ոսկու գինը նվազել է 2.29%-ով և կազմել 4860.10 դոլար, արծաթի գինը նվազել է 11.56%-ով և կազմել 77.04 դոլար, իսկ պլատինի գինը նվազել է 9.83%-ով և կազմել 2044.90 դոլար։ Չափման միավորը 1 տրոյական ունցիան է (31.1 գրամ)։

Նախորդ տարվա հոկտեմբերին Ազգային ժողովի մշտական հանձնաժողովների համատեղ նիստում «ՀՀ 2026 թ. պետական բյուջեի մասին» օրենքի նախագծի քննարկման ընթացքում ասել էր ՀՀ ֆինանսների նախարար Վահե Հովհաննիսյանը․

«2026 թվականին Հայաստանում նախատեսվում է մշակվող արդյունաբերության և հանքարդյունաբերության ծավալների աճ։ Ամուլսարն ունի իր ազդեցությունն այդ աճի մեջ։ Մենք կանխատեսում ենք, որ 4 տոննա ոսկի ենք արդյունահանելու 2026 թվականին»,- ասաց Հովհաննիսյանը։

Գեղեցիկ կարող են խոսել բոլորը, սակայն խոստումն իրականացնել ոչ բոլորը։

Նշենք, որ Ամուլսարի հանքավայրի շահագործման ծրագրում ընդհանուր ներդրումները կազմելու են 750 միլիոն ԱՄՆ դոլար, որից 250 միլիոնը նախատեսված է շինարարությունն ավարտին հասցնելու և հանքի շահագործումը սկսելու համար։ Ամուլսարում հաստատված պաշարները կազմում են 73 տոննա ոսկի, 294 տոննա արծաթ։ Վերջնական արտադրանքը լինելու է դորե՝ ոսկու և արծաթի համաձուլվածք»։

Մանրամասները՝ «Ժողովուրդ» օրաթերթի այսօրվա համարում:

Այս թեմայով ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել Ունի Հայաստանը գազի այլընտարանք. Մեկնաբանում է տնտեսագետը ՀՐԱՏԱՊ. Մարդու իրավունքը ժամկետանց փաստաթուղթ չէ, երբ մարդը դադարում է հավատալ արդարադատությանը, վտանգվում է ոչ միայն նրա իրավունքը՝ այլ իրավական պետության հիմքը Այո՛, իմ իրավապաշտպան գործունեության ընթացքում նման դեպքերի ականատես եղել եմ, ինչպես առաջին,այնպես էլ երկրորդ ,երրորդ նախագահների օրոք. ԲԱՑԱՌԻԿ