Ում էր ձեռնտում ռուսական ԳՌՈՒ-ի պետի տեղակալի լիկվիդացիան

ՌԴ ԳՇ Հետախուզության գլխավոր վարչության (ՀԳՎ, ԳՌՈՒ) պետի տեղակալ, գեներալ Ալեքսեևի դեմ մահափորձի հնարավոր հետեւանքների վերաբերյալ փորձագիտական խորը քննարկումներ են ընթանում:

Իրավիճակը բավականին վտանգավոր է, հաշվի առնելով փաստը, որ բացի բարձրաստիճան եւ միանգամայն առանցքային նշանակություն ունեցող զինվորական լինելուց, գեներալը նաեւ ուղղակիորեն զբաղված էր ԱՄՆ-ի եւ Ուկրաինային հետ ՌԴ-ի բանակցային գործընթացով, որը, հիշեցնենք, Աբու Դաբիում հասել էր ուկրաինական կողմին կոնկրետ վերջնագրեր ներկայացնելու մակարդակի:

Ընդ որում, սա այն դեպքն է, երբ ուկրաինական կողմին ուղղակի մեղադրանքներ հղելը կարող է եւ սխալ ուղղություն լինել: Փաստը սա է. «Աբու Դաբիի բանակցություններում, չմոռանանք, ուկրաինական կողմը փաստացի ղեկավարում է Բուդանովը` Զելենսկու գրասենյակի ղեկավարը, ով մինչ այդ ղեկավարում էր եւ հիմա էլ վերահսկում է ուկրաինական Հեռախուզության գլխավոր վարչությունը: Այսինքն, հենց Բուդանովն է պատասխանատու մինչ այս եղած բոլոր հիմնական ահաբեկչական հարձակումների համար»,- հիշեցնում է փորձագետը:

Ապա նաեւ մանրամասնում. «Բայց այս դեպքում Բուդանովը, որքան ընդհանուր ֆոնից կարելի է հասկանալ, փորձում է առաջ տանել բանակցային գործընթացը` ակնհայտորեն ենթարկվելով ամերիկացիներին: Ավելին, կան հստակ ազդանշաններ, որ այս պահին Զելենսկուց վարկանիշային իմաստով առաջ անցած Բուդանովը կդառնա Ուկրաինայում բացարձակ առաջատար նախագահական մրցավազքում, եթե կարողանա հասնել խաղաղության: Ընդ որում, հայտնի դարձավ նաեւ, որ ամերիկացիներն արդեն այդ բանակցություններում առաջ են քաշել ամենաուշը մայիսին Ուկրաինայում հանրաքվե եւ ընտրություններ անցկացնելու պահանջը, որից Զելենսկին հազիվ թե կարողանա խուսափել»:

Այսինքն, ըստ այդ տրամաբանության, Բուդանովը հիմա պետք է ամերիկյան հովանավորությամբ ավարտին հասցնի հայտընի պայմաններով բանակցությունները, դրանց պատասխանատվությունը կմնա Զելենսկու վրա, հանրաքվեով այդ ամենը կօրինականացվի: Այդքանից հետո Բուդանովը հանգիստ կնստի ուկրաինական նախագահի աթոռին: Ըստ այդմ. նրան հիմա պե՞տք է բանակցությունները տապալել` իրեն ենթակա կառույցի միջոցով կազմակերպելով գեներալ Ալեքսեեւի մահափորձը: Այն դեպքում, որ եթե բանակցությունները ձախողվեն, Բուդանովին որպես թշնամի դիտարկող Զելենսկին չի հապաղի ձախողումը նրա վրա բարդել` շատ արագ հեռացնելով իր ներկա դիրքից:

Այսպիսով, Բուդանովին պե՞տք է բանակցությունենրը ձախողել. ըստ ամենայնի` ոչ:

Ո՞ւմ է դա պետք. ակնհայտորեն Զելենսկուն, որը կորցնում է պաշտոնը, որից հետո նրան հաստատ կոչնչացնեն:

Պետք է նաեւ Բրիտանիային, որն այս զարգացումների դեպքում Ուկրաինայում կկորցնեն ամեն բան:

Սակայն Զելենսկին, առանց Բուդանովին ենթական Հետախուզության գլխավոր վարչության, քիչ հնարավորություններ ունի ռուսական ԳՌՈՒ-ի պետի տեղակալի դեմ մահափորձ կազմակերպելու համար. Ալեքսեևն այն մարդը չէ, որի վրա հնարավոր է կրակել` ինչ-որ պատահական քիլլերի ուղարկելով:

Իսկ ահա բրիտանացիները, իհարկե, կարող են նման օպերացիա կազմակերպել, եւ առանց Բուդանովի օգնության: Դա, իհարկե, կլիներ ծայրահող ռիսկային: Բայց եթե խաղաքարտին է դրված ամեն բան կորցնելու հեռանկարը, նման ռիսկը տրամաբանական է դառնում:

Մի խոսքով, այս պատմությունը դեռ շատ ցնցող զարգացումներ է խոստանում:

Այս թեմայով Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան Գեներալ, մի նեղացեք հայրենիքից, մի հրաժարվեք Հայաստանից. Հայտնի փաստաբանը դիմել ԽՍՀՄ գեներալին Խե՜ղճ հայ ժողովուրդ, Հայաստանը վերածում են «չմոյի», որի վրա նույնիսկ «բոմժը» կարող է հարձակվել․ Տեր-Գրիգորյանց Ռուսաստանը առաջին անգամ Ուկրաինայում օգտագործեց արդիականացված «Իսկանդեր» հրթիռը. Ուկրաինայի ԳՌՈՒ ԱՄՆ-ն չունի ռեսուրսներ գլոբալ վերահսկողության համար. Ամերիկյան գեներալ