Փաշինյանը եւ ընդդիմությունը սինխրոն աշխատում են՝ զգույշ եղեք․ Հակոբ Ասլանյան

Օրվա իշխանությունը հետեւողականորեն շարունակում են ճնշումներ գործադրել Հայ Առաքելական Եկեղեցու նկատմամբ՝ թիրախավորելով ոչ միայն առանձին հոգեւորականների, այլեւ եկեղեցական ամբողջ ինստիտուտը։ Նիկոլ Փաշինյանը տարբեր հրապարակային հայտարարություններով եւ գործողություններով բազմիցս հայտարարել է, որ նպատակ ունի հասնել Կաթողիկոսի գահընկեցությանը՝ գործի դնելով պետական կառավարման ողջ հնարավոր լծակներն ու ռեսուրսները։ Չնայած այս ճնշումներին՝ ԱԺ անկախ պատգամավոր Հակոբ Ասլանյանը  «Իրավունք»-ի հետ զրույցում այն կարծիքին է, որ Հայ Առաքելական Եկեղեցին ցուցաբերում է արժանապատիվ եւ կանոնական դիմադրություն․

-Այն որ այսօր իշխանությունները օր-օրի ավելի են խորացնում հասարակության մեջ անջրպետները բոլոր առումներով՝ դա միանշանակ է։ Ցավալին այն է, որ հենց իշխանություններն են ձեռնակրում դա եւ դա կարող է իրապես ամենավատ սցենարների հանգեցնել։ Ես կարծում եմ, որ ժամանակն է, որ իշխանությունները գնան բանակցությունների եկեղեցու հետ եւ փորձեն հաշտվել եկեղեցու հետ։ Եկեղեցին հաշտվելու խնդիր չունի, եկեղեցին միշտ էլ հաշտ է, ըստ այդմ իշխանությունները պետք է գնան հաշտության։ Իսկ չեն գնում շատ պարզ պատճառով, որովհետեւ իշխանությունները անպայմանորեն ուզում են կատարել այն ինչը որ Փաշազադեն ասել էր Բաքվից․ վերացնել իրենց համար այն վտանգը, որը կարող է արեւմտյան Ադրբեջանի համար ապագայում լուրջ վտանգ լինել։ Այսօր իշխանությունները կատարում են ադրբեջանա-թուրքական  երազանքը՝ մասնատելով Հայ Առաքելական եկեղեցին։

-Պարոն Ասլանյան, Նիկոլ Փաշինյանը մեկ բոլորին «հրավիրում է պարահրապարակ», ապա ամեն օր սրտիկով ողջույններ է ուղարկում՝ դա դարձնելով թիմի ֆլեշմոբի թեմա, ի՞նչ նպատակ է հետապնդում այս ամենը:

-Ես կարծում եմ, որ դա նոր տեսակի մանիպուլյացիա է, ուրիշ ոչինչ։ Այսօր Փաշինյանը դմբ-ցմփ-ի մեջ է։ Կա թիմին հստակ հրահանգ՝ դմբ անելուց թռնել օդ, ցմփ անելուց՝ իջնել ներքեւ։ Նա անում է այն ինչ ասել է տարիներ առաջ․ ՔՊ-ում կա ոչ թե 71 մանդատ, այլ ընդամենը մեկ մանդատ եւ այդ մանդատի տերը ես եմ։ Հիմա Փաշինյանը առաջնորդվում է մեկ մանդատի սկզբունքով, ու ըստ այդմ՝ ոնց ուզում է «պարացնում է» թիմին։

-Ասում են ՔՊ-ում եւս լուսաբացները խաղաղ չեն, ավելին կոմպրոմատային պատերազմ է թիմի ներսում։

-Ես նման տեղեկատվության չեմ տիրապետում այս պահին, բայց կարող եմ հստակ մի բան ասել, որ օրը Փաշինյանը հեռանա վարչապետի աթոռից՝ ՔՊ-ից շատերի վրա քրեական գործեր կբացվեն։ Փաշինյանը ամեն ինչ անելու է, որ վերընտրվի, թեկուզ ՀՀ-ի կեսը ծախելով, այնպես որ զգույշ եղեք։

-Իսկ ի՞նչ կասեք ընդդիմության վերաբերյալ․․․

-Մի շարունակեք ընդդիմություն չկա, այսօր Փաշինյանը եւ ընդդիմությունը սինխրոն աշխատում են։ Փաշինյանը այդ կերպ հասում է ժողովրդին տեսեք՝ ինձ չընտրեք սրանք կգան, իսկ ժողովուրդը նրանց գալը չի ցանկանում։ Այնպես որ Փաշինյանը եւ այս ընդդիմությունը փակում են այն բոլոր ճանապարհները, որով նոր առողջ ընդդիմություն կարող է գալ։ Եթե նոր ընդդիմություն գա թե՛ Նիկոլ Փաշինյանը, թե՛ այս ընդդիմություն կոչվածները կհեռանան, այ սա է երկուսին սարսափեցնում։

-Այսինքն ԱԺ-ում, լրատվականներով ընդդիմությունը քննադատում է իշխանություններին, բայց իրականությունը այլ է՞։

-Ճիշտ այդպես։

Այս թեմայով Գայթակղություն առաջացավ գամ, փաթաթվեմ ձեզ, փաստորեն էդքան ազնիվ եք եղել. Ասլանյանը՝ Փաշինյանին Այսօր վերջին հրաժեշտը տվեցին հայկական հեռուստատեսության լեգենդներից մեկին Քանի դեռ քաղաքական թիմը չունի դիրքորոշում, ես չեմ կարող իմ առանձին դիրքորոշումը ներկայացնել. Ասլանյան ՑԱՆԿ. Գործարար, իրավաբան, լրագրող, տնտեսագետ, քաղաքագետ.Ովքեր են ուժեղների 29 պատգամավորները Տեղի է ունենում սահմանադրական կարգի տապալում. Րաֆֆի Ասլանյան