Դատարանը վարույթ է ընդունել Եկեղեցու հայցն ընդդեմ Ստեփան Ասատրյանի

Հայաստանյայց Առաքելական Սուրբ Եկեղեցին հունվարի 22-ին 2 դատական հայց էր ներկայացրել ընդդեմ Ստեփան Ասատրյանի (նախկինում Տեր Արամ)։

Հայաստանյայց Առաքելական Սուրբ Եկեղեցին Ստեփան Ասատրյանից պահանջում էր ետ վերադարձնել Հայաստանյայց Առաքելական Սուրբ Եկեղեցուն սեփականության իրավունքով պատկանող ք․Երևան, Շենգավիթ, Արշակունյաց պողոտա 54/3 շենք, 18 բնակարանը, իսկ մյուս հայցով Եկեղեցին պահանջում էր պարտավորեցնել Ստեփան Ասատրյանին վերադարձնել Հայաստանյայց Առաքելական Սուրբ Եկեղեցուն սեփականության իրավունքով պատկանող Արագածոտնի մարզի Աշտարակ համայնքի Օհանավան գյուղի Հովհաննավանքի եկեղեցին (այդ թվում՝ Եկեղեցու բանալիները)։

Նշենք, որ հայցերից մեկը, որով պահանջվում էր վերադարձնել Եկեղեցուն պատկանող բնակարանը, ընդունվել է վարույթ։ Այդ գործով դատավորն է Երևան քաղաքի առաջին ատյանի ընդհանուր իրավասության քաղաքացիական դատարանի դատավոր Ռուբեն Բունիաթյանը։

Նշենք, որ մինչ այս պահը մյուս հայցը վարույթ չի ընդունվել։

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Հայ Առաքելական եկեղեցին այսօր տոնում է Սուրբ Մարիամ. Աստվածածնի ծննդյան օրը. Սեպտեմբերի 8 Իշխանությունները կոպտորեն միջամտում են Հայ Առաքելական եկեղեցու գործերին․ Ռուս ուղղափառ եկեղեցի «Ապահովվելու է Հայաստանյայց Առաքելական Սուրբ Եկեղեցու փաստացի պետի հեռացումը»․ Կառավարության 5-ամյա ծրագիրը Թուրքիայում վերականգնվում է Քառասուն մանուկ հայկական եկեղեցին