Բրավո՛, պարո՛ն Նահապետյան, լիովին համամիտ եմ. Արթուր Խաչիկյան

Բրավո՛, պարո՛ն Նահապետյան։ Այո՛, ես նույնպես տարիներ շարունակ խոսում եմ այդ մասին։ Երբ աղանդավորների մի ամբողջ խումբ, մի ամբողջ հասարակություն ուզում է ինքնասպան լինել, նրան հնարավոր չէ կանգնեցնել։ Երբ, ինչպես դուք եք ասում, մի սենյակում մի որդու հոգեհանգիստն են անում, իսկ հարևան սենյակում հայրը քեֆ է անում մյուս որդու հետ, մի՞թե սա խելագարություն չէ։ Երբ Բաքվում ծաղրում են մեր հրամանատարներին, իսկ աղանդավորները շարունակում են լցնել իրենց փորերը և ուրախանալ, որ էժան բենզին են ստացել ու շուտով փող կլինի. երբ 12,000 երիտասարդ տղաների հիշատակը մոռացված է ու վաճառված. երբ դեղին լրագրողը համբուրում է այն պետության ղեկավարի ձեռքերը, ով հպարտանում է մեր տղաներին սպանելով, և նրան սատարում է հասարակության 17-20%-ը, էլ ո՞նց կոչել այս հասարակությանը։ Մի՞թե սա խելագարություն չէ։

 

Բրավո՛։ Դե հիմա նորից կսուլեն ու SMS-ներ կուղարկեն մի խումբ վախկոտ դրամաշնորհակեր-քարոզիչների, որոնք ոհմակով կհարձակվեն նաև Ձեզ վրա, իսկ հետո կվազեն թաքնվելու դիմակավորված ոստիկանների թիկունքում։ Ողջույն Մատնավանի (Դոնոսավանի) քաղաքապետին», -գրել է Սթենֆորդի համալսարանի քաղաքագիտության դոկտոր, քաղաքագետ ԱՐԹՈՒՐ ԽԱՉԻԿՅԱՆԸ: