«Հրապարակ». ՔՊ–ական թեկնածուներն ինքնաբացարկ են ներկայացնում

«Հրապարակ» թերթը գրում է. «ՔՊ պատգամավորության թեկնածուի հայտ ներկայացրած 380 անձից՝ վարչության քասթինգից հետո գրանցվել է 280-ը, 100-ը կտրվել է: Օրերս եւս 10 թեկնածու է ինքնաբացարկ ներկայացրել, չի բացառվում, որ մինչեւ ընտրություն էլի լինեն: Մեր աղբյուրներն ասում են, որ այնքան անհեռանկար ընտրություն է լինելու, որ շատերը չեն ուզում «ընտրագրավը» կորցնել:

Հիշեցնենք, որ գրանցումից հետո` ընտրությունից առաջ, թեկնածուները 500 հազարական դրամ են մուծվել կուսակցական գանձարան, անկուսակցականները՝ 1.5 միլիոն։ Բայց քանի որ գրանցված թեկնածուներին հնարավորություն չի տրվում ներքին քարոզարշավ անել` հանդիպել ընտրիչների հետ, համոզել, որ իրենց ձայն տան, կարող են այդ գումարը կորցնել եւ պատգամավոր էլ չդառնալ:

Թեկնածուները կարող են միայն ֆեյսբուքյան գրառումներով պատվիրակների քվեն խնդրել, իսկ ով փորձի ծածուկ հանդիպել ընտրիչներին, զգուշացրել են, որ կհեռացվեն ՔՊ-ից:

Ի դեպ, արգելել են նաեւ մյուս թեկնածուների դեմ հակաքարոզչություն անելը` քվե չտալու խնդրանքով ընտրիչներին դիմելը։

Առավել մանրամասն թերթի այսօրվա համարում

Այս թեմայով ՔՊ-ականները սկսել են խեղճանալ մարզերում. ԲԱՄԲԱՍԱՆՔ Շախմատը միշտ եղել է իմ հետաքրքրությունների շրջանակում. Երեւանի շախմատի ֆեդերացիայի նախագահի առաջին հարցազրույցը ԱԺ-ի ծեծկռտուքի էպիկենտրոնում գտնված ՔՊ-ական․ «Ես ծեծի մասնակից չէի, մեկ-մեկ քաշքշում ենք իրար» Աթոռով էլ, ամեն ինչով էլ ծեծելու ենք, եթե հարձակվեն մեր վրա. ՔՊ-ական «Ժողովուրդ». Մանվել Գրիգորյանի սանիկը ՔՊ-ական համայնքապետ է