Գերմանական հայտնի ակումբը լրջորեն հետաքրքրված է Տիկնիզյանի ծառայություններով

Ֆրանկֆուրտի «Այնտրախտը» լրջորեն դիտարկում է Հայաստանի ազգային հավաքականի պաշտպան Նաիր Տիկնիզյանի տրանսֆերը ձեռք բերելու տարբերակը։ Ըստ TransferFeed-ի՝ գերմանական ակումբը կարող է պաշտոնական առաջարկ ներկայացնել «Ցրվենա Զվեզդային»։

«Այնտրախտի» սկաուտները ներկա են գտնվել Եվրոպա լիգայի շրջանակում կայացած «Մալմյոյի» դեմ խաղին և տպավորված են մնացել 26-ամյա ֆուտբոլիստի արագությամբ, տեխնիկայով և խաղային այլ որակներով։ Գերմանական ակումբի ներկայացուցչները ֆուտբոլիստի խաղին հետևել են նաև «Ռայկո Միտիչ» մարզադաշտում՝ իսպանական «Սելտայի» դեմ կայացած մրցավեճում։

Թեև իսպանական թիմի դեմ խաղում հայ պաշտպանի ելույթը նշվել է որպես նրա սովորական ստանդարտներին չհամապատասխանող, դա չի հիասթափեցրել «Այնտրախտին»։ Ակնկալվում է, որ գործարքը կարող է կայանալ առաջիկա ամռանը։

Սերբական ակումբը մտադիր չէ վաճառել Տիկնիզյանին 4,5 միլիոն եվրոյից պակաս գումարի դիմաց։ Բացի այդ, «Ցրվենա Զվեզդայի» գլխավոր մարզիչ Դեյան Ստանկովիչը դեմ է ֆուտբոլիստի հեռանալուն մրցաշրջանի ընթացքում և ցանկանում է պահել նրան թիմում մինչև առաջնության ավարտը։

Այս թեմայով Այլ տարբերակներ ևս կային. Տիկնիզյանի գործակալը ֆուտբոլիստի տրանսֆերի մասին Հուսով եմ՝ սա Տիկնիզյանի կարիերայի վերջին բարձրակարգ թիմը չէ. Մելիքյան «Օլիմպիակոսի» մարզիչը հիացած է Տիկնիզյանի խաղով Որ խաղահամարի մարզաշապիկով հանդես կգա Տիկնիզյանը «Օլիմպիակոսում» Պաշտոնական. Տիկնիզյանը` «Օլիմպիակոսի» ֆուտբոլիստ. Որքան կվաստակի հայ ֆուտբոլիստը