Եթե այսօր Աբու Դաբիում պայմանավորվածություն չեղավ, վաղն ուկրաինական էներգետիկան կզրոյանա

«Մենք ոգևորված ենք այս հանդիպումով և Ուկրաինայում խաղաղություն ապահովելու Ռուսաստանի ջանքերով»,- երեկ ՌԴ նախագահի հատուկ ներկայացուցիչ Դմիտրիեւի հետ հանդիպումից հետո գրել է Ուիթկոֆը իր X սոցիալական ցանցի էջում։

Կիրիլ Դմիտրիևը եւս հայտարարել է, որ Ֆլորիդայում բանակցությունները, որոնք տեղի ունեցան այսօր Ռուսաստանի և Ուկրաինայի միջև Աբու Դաբիում նախատեսված հանդիպումից առաջ, միանգամայն դրական են եղել

Ի դեպ, այն, որ ԱՄՆ ֆինանսների նախարար Բեսենթը , ով ժամանակին Դմիտրիևին անվանում էր ընդամենը «ռուսական քարոզիչ», այսօր դարձել է նրա հետ բանակցող ամերիկյան թիմի մշտական անդամ, արդեն իսկ վկայում է, որ այդ բանակցություններում ամենեւին էլ միայն ուկրաինայի թեման չէ. ԱՄՆ բանակցային թիմի ընդլայնումը (Վիտկոֆը, Բեսենթը, Քուշները և Գրյունբաումը ներկա էին Մայամիում) ազդանշան է այն մասին, որ Ռուսաստանի և ԱՄՆ-ի միջև հաղորդակցությունների ծավալը, ինչպես նաև թեմաների շրջանակը զգալիորեն ընդլայնվել են: Ըստ այդմ էլ, պետք է սպասել ուկրաինական կողմի վրա ամերիկյան ճնշումների ավելացման, առավել եւս, երբ Ուիտկոֆն այդպես դրվատանքով է խոսում ռուսական կողմի բանակցելու պատրաստակամության մասին` ձախողումների մեղավորությունն ուղղեով դեպի Կիեւ:

Այսպիսով այն, որ Աբու Դաբիում այսօր առաջնային է լինելու էներգետիկ գործոնը, ենթադրելի է։ Թրամփի համար սա ևս մեկ պատժիչ գործիք է Կիևի դեմ. եթե դուք չհամաձայնվեք գործարքի, մինչեւ վերջ կկորցնեք ձեր էներգետիկան։ Եվ այն փաստը, որ Ռուսաստանը, որ դադարեցրել է իր հարվածները Թրամփի խնդրանքից հետո, ապա դա հստակ ուղղված է ԱՄՆ նախագահի դիրքերի ամրապնդմանը՝ Կիևի ռեժիմի վրա ճնշման առումով։ Բնական է, պատահական չէ նաեւ, որ Թրամփի այդ խնդրանքի ժամկետը լրանում է այսօր. չի լինի համաձայնություն, տեղի ունենա ռուսների նոր հարձածը, որն առանց այդ էլ կոլապսում գտնվող (երբ արդեն անգամ Կիեւի եւ Խարկովի մետրոպոլիտենն է կանգնել) ուկրաինական էներգետիկայի համար կվերածվի անդառնալիության կետի:

Այս թեմայով ՀՐԱՏԱՊ. Վարդանի շուրջ 19-ամսյա կալանքը նշանակում է արդեն հարյուր հազարավոր դոլարների հանրային միջոցների ծախս «Դոբրոպոլեի կաթսա». Ուկրաինական ռազմավարական քաղաքը շրջապատված է «Ահեղ դատաստանի» ձմեռ է գալիս. Ուկրաինական պաշտոնյա «Ժողովուրդ». Այսօր կորոշեն Հայկ Սարգսյանի ճակատագիրը Ուկրաինական աղբյուրների տարածել են ռուսական «Գերան-5» հրթիռային անօդաչուի թռիչքի եւ թիրախի խոցման կադրերը (Տեսանյութ)