Կրակոցներ Վանաձոր քաղաքում, կասկածյալը եղել է «Lada Priora» մակնիշի ռուսական համարանիշի ավտոմեքենայով

Հունվարի 23-ին, արտառոց դեպք է տեղի ունեցել Լոռու մարզում։ Ժամը 15։35-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Լոռու մարզային վարչությունում օպերատիվ տեղեկություններ են ստացվել, որ Լոռու մարզի բնակիչ 19-ամյա Նարեկ Մ․-ն հունվարի 22-ին Վանաձոր քաղաքի Մյասնիկյան փողոցի շենքերից մեկի բակում իր ընկերոջ, Լոռու մարզի բնակիչ 20-ամյա Թելման  Ջ․-ին պատկանող «Lada Priora» մակնիշի ռուսական համարանիշի ավտոմեքենայով  հասարակության նկատմամբ բացահայտ անհարգալից և արհամարհական վերաբերմունք ցուցաբերելով, իր մոտ գտնվող ատրճանակով մի քանի անգամ կրակել է դեպի օդ, այնուհետև ատրճանակը փոխանցել է Թելման Ջ․-ին, ով նույնպես մի քանի անգամ կրակել է օդ։

Ինչպես հայտնում է ֆոտոլրագրող Գագիկ Շամշյանը, հունվարի 23-ին, Նարեկ Մ․-ն  ձերբակալվել և տեղափոխվել է քրեական ոստիկանության գլխավոր վարչության  Լոռու մարզային վարչություն, որտեղ տարված բացատրական աշխատանքների արդյունքում հայտնել է, որ հունվարի 22-ին իր ընկերոջ զորացրման հետ կապված, գտնվելով էմոցիաների ազդեցության տակ, իր ընկերոջ Թելման Ջ․-ին պատկանող «Lada Priora» մակնիշի ավտոմեքենայի պատուհանից Մյասնիկյան 6 շենքի բակում իր մոտ գտնվող և իրեն պատկանող  ատրճանակից մի քանի անգամ կրակոցներ է արձակել դեպի օդ, այնուհետև ատրճանակը փոխանցել է Թելման Ջ․-ին, ով նույնպես մի քանի անգամ կրակել է օդ։

Գ․ Շամշյանի տեղեկություններով Նարեկ Մ․-ն ոստիկաններին հայտնել է նաև, որ նշված ատրճանակը ներկայումս գտնվում է իր ընկերոջ, Լոռու մարզի բնակիչ 20-ամյա Սարգիս Հ․-ի տանը, որը պատրաստ է ներկայացնել։

Դեպքի փաստով կազմվել են փաստաթղթեր, որոնք փոխանցվել են ՀՀ Քննչական կոմիտեի Լոռու մարզային քննչական վարչություն, որտեղ նախաձեռնվել է քրեական վարույթ՝ ՀՀ քր․ օր․ 297 հոդվածի 3-րդ մասի հատկանիշներով։

Նախաքննության ընթացքում ձեռնարկված միջոցառումների և անցկացված բացատրական աշխատանքների արդյունքում՝ Նարեկ Մ․-ին պատկանող, հանցագործության գործիք  ատրճանակը վերջինիս ընկեր՝ Սարգիս Հ․-ն ներկայացրել է իրավապահներին։ Նարեկ Մ․-ն ձերբակալվել և տեղափոխվել է ՀՀ ՆԳՆ ոստիկանության համայնքային ոստիկանության գլխավոր վարչության Թումանյանի բաժնի ձերբակալվածների պահման վայր։ Ձեռնարկվում են միջոցառումներ Թելման Ջ․-ին հայտնաբերելու ուղղությամբ։

Այս թեմայով Կրակոցներ են հնչել Արարատի մարզում․ մանրամասներ Երևանի Սիսվանի փողոցում կրակոցներ են հնչել, կա վիրավոր Կրակոցներ Երևանի Փարպեցի փողոցում Թրամփի հետ ընդունելության ժամանակ կրակոցներ արձակողը ձերբակալվել է. մանրամասներ Կրակոցներ Թուրքիայի դպրոցում. 16 վիրավոր (Տեսանյութ)