«Վարակի հիմնական փոխանցողը մրգակեր չղջիկներն են, hիվանդության գաղտնի շրջանը 4-14 օր է». Հիվանդությունների վերահսկման և կանխարգելման ազգային կենտրոնից իրազեկում են Նիպահ վիրուսի մասին

Հիվանդությունների վերահսկման և կանխարգելման ազգային կենտրոնից» իրազեկում են  Նիպահ վիրուսի ու դրա հետևանքների մասին.

«Նիպահ վիրուսով հարուցված հիվանդությունը նոր ի հայտ եկող զոոնոզ (մարդու և կենդանիների համար ընդհանուր) վարակ է:

Վարակի հիմնական աղբյուր հանդիսանում են չղջիկները և խոզերը։

Մարդը կարող է վարակվել մրգակեր չղջիկների թքով և մեզով աղտոտված մրգերի և արմավենու հյութ օգտագործելիս, ինչպես նաև վարակված կենդանիներին, մասնավորապես՝ խոզերին խնամելիս և կենդանական ծագման հումքի հետ շփելիս։

Հնարավոր է նաև վարակի փոխանցումը մարդուց մարդուն՝ հիվանդի հետ սերտ շփման արդյունքում։

Վերջին տարիներին մարդկանց շրջանում հիվանդության բռնկումներ են արձանագրվել Մալայզիայում, Բանգլադեշում և Հնդկաստանում։

Վարակի տարածման առումով բարձ ռիսկային երկրներ են համարվում Քամբոջան, Գանան, Ինդոնեզիան, Մադագասկարը, Ֆիլիպինները, Թայլանդը։

Հիվանդության գաղտնի շրջանը հիմնականում տևում է 4-14 օր: Հիվանդությունը կարող է ընթանալ տարբեր ձևերով.

-անախտանիշ,

-սուր շնչառական հիվանդություններին բնորոշ ախտանշաններով,

-էնցեֆալիտներով ,

-տարբեր նյարդաբանական խանգարումներով։

Վարակումից խուսափելու համար խորհուրդ է տրվում.

1. Օգտագործելուց առաջ լավ լվանալ մրգերը, չօգտագործել թերի ջերմային մշակում անցած արմավենու հյութ

2. Օգտագործել միայն բավարար ջերմային մշակում անցած կենդանական ծագման սննդամթերք

3. Խուսափել հիվանդ մարդկանց հետ սերտ շփումից

4. Պահպանել անձնական հիգիենայի կանոնները

5. Կենդանիներին խնամելիս օգտագործել անձնական պաշտպանիչ միջոցներ

Հաշվի առնելով, որ ՀՀ տարածքում վարակի հիմնական փոխանցող մրգակեր չղջիկները տարածված չեն՝ հիվանդության տարածման համաճարակաբանական ռիսկերը ցածր են»։

Այս թեմայով Ուկրաինական աղբյուրները հայտնում են Ժիտոմիրում էներգետիկ կատաստրոֆայի մասին Մակրոնն ունի գաղտնի փախուստի գաղտնի ծրագիր՝ Ելիսեյան պալատի վրա ցուցարարների հարձակման դեպքում Իրականում նոյեմբերի 9-ը չէր չարաբաստիկը, այլ նրա նախորդած 44 օրերը, 4 տարիները, 30 տարիները… Մեկնարկել է Ազգային ժողովի ընդդիմադիր խմբակցությունների և հասարակական-քաղաքական ուժերի ներկայացուցիչների հանդիպումը Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը