Փաշինյանը մեր տունը քանդեց. Բորիկ Արզումանյան

Արցախում զոհվածների ծնողները կառավարության շենքի մոտ օրերս պահանջում էին, որ Նիկոլ Փաշինյանը 2-3 օրվա ընթացքում անհապաղ ընդունի իրենց: Մինչ այդ, ծնողները հանդիպում են ունեցել ԱԱԾ նախկին պետ Արմեն Աբազյանի հետ, սակայն կրկին իրենց խաբված են զգում: Ծնողների պահանջն է, որպեսզի իրենց զավակների աճյուններն Արցախից բերեն Հայաստան։ Ըստ զոհված զինծառայող Արթուր Արզումնյանի հոր՝ ԲՈՐԻԿ ԱՐԶՈՒՄԱՆՅԱՆԻ, իշխանությունները 2 տարի է՝ իրենց խաբում են։

«Փաշինյանը եկավ Արցախ, ասաց՝ Արցախը Հայաստան է եւ վերջ» ու մեր տունը քանդեց։ Հիմա Ադրբեջանի հետ առեւտուր են անում, արտաշիրիմում անելը մեկ օրվա գործ է։ Մեր երեխաների շիրիմներն անտեր վիճակում են։ Ուրիշ բան չենք ուզում, մեր երեխաներին թող արտաշիրիմում անեն եւ բերեն այստեղ»,- ասաց Արցախում զոհվածի հայրը։

Նշենք, որ կառավարության շենքի մոտից ծնողները գնացին ԱԳՆ շենք եւ 30 ծնողի ստորագրությամբ, արտգործնախարար Արարատ Միրզոյանին ուղղված նամակ փոխանցեցին: Նույն պահանջով ծնողները երեկ նաեւ հավաքվեցին ՀՀ-ում Ֆրանսիայի դեսպանատան դիմաց։

ՆԱՆԱ ՍԱՐԳՍՅԱՆ

Այս թեմայով Ներսում մեկը մեկից տարածք է խլում, բայց հայրենիքը մենք վաճառում ենք ուրիշներին. Սարգիս Արզումանյան. Սարգիս Արզումանյան Տեղի ունեցածը «Տուշոնկա-2» էր. Սարգիս Արզումանյան. տեանյութ Թող այս տարի մշակույթի մարդը չվախենա լինել բարձրաձայն. Սարգիս Արզումանյան Ռոբերտ Արզումանյանը մոտ է նոր ակումբ գլխավորելուն Բորիս Արզումանյանի uպանnւթյան դեպքով նախաձեռնված քրեական վարույթի շրջանակում քրեական հետապնդում է հարուցված 2 անձի նկատմամբ