Փնտրվում է վախ բռնող կամ գոնե մոմ թափող Վահագն Խաչատուրյանի համար. ԶԱՐՄԱՆՔ

Փնտրվում է վախ բռնող կամ գոնե մոմ թափող՝ ո՛չ ավել, ո՛չ պակաս ՀՀ նախագահ ՎԱՀԱԳՆ ԽԱՉԱՏՈՒՐՅԱՆԻ համար: Այո, զարմանալով հանդերձ՝ անկեղծորեն մտահոգված ենք նրա հոգեբանական վիճակով: Դավոսի տնտեսական գագաթնաժողովում «Եվրասիայի տնտեսական ինքնության սահմանումը» թեմայով պանելային քննարկման ժամանակ վերջինս հայտարարել է. «Հավատացնում եմ՝ խաղաղությունը սովորական չէ մեզ համար,մենք արթնանում էինք մինչ այս համաձայնագրերի ստորագրումը (վաշինգտոնյան, -խմբ.), հետաքրքրվում էինք, թե սահմանին ինչ է կատարվել։ Իսկ այնտեղ հիմնականում կրակոցներ, զոհեր, վիրավորներ էին, որը մեզ ուղղակի սթրեսային վիճակի մեջ էր պահում։ Հիմա մենք, հավատացեք, նույնիսկ մոռացել ենք, ապրում ենք ավելի շատ մեր ծրագրերի իրականացման գործով»: Փաստորեն, ստացվում է՝ այս իշխանության գործողությունների մոտիվացիան վախն է: Ու այդ վախն այնքան է մտել մեջները, որ սարսափ ֆիլմ են նկարագրում մեր ապրած տարիները: Մինչդեռ արցախյան երեք պատերազմներից զատ, բանակում կորուստները ոչ թե եղել են ավելի շատ թշնամու կրակոցներից, այլ ներսում՝ միջանձնային խնդիրներով պայմանավորված: Բայց սա էլ մի կողմ ՀՀ նախագահի աթոռը զբաղեցնողն իր ներքին տագնապներն ու վախերն ի ցույց է դնում միջազգային հարթակում ու շնորհակալություն ասում Ադրբեջանի նախագահին՝ իր խաղաղ օրերի համար: Մեղա, մեղա… Կարո՞ղ է հաջորդիվ էլ Խաչատուրյանի մոտ «ծիկեր» սկսվեն, որ, ասենք, Թրամփը կամ Պուտինը կարող են գալ Հայաստան եւ իրեն Մադուրո անել: Չէ որ, վերջիվերջո, մի նախագահ էլ ինքն է:

Ի՞նչ է իրականում թաքնված Փաշինյանի սրտի կարգաույծ քահանայի՝ ՍՏԵՓԱՆ ԱՍԱՏՐՅԱՆԻ «անմեղ գառան» դիմակի տակ: Ըստ մամուլում ու սոցցանցերում հայտնված բացահայտումների` վերջինս ընդամենը մի քանի տարում կարողացել է ձեռք բերել տասնյակ միլիոնների հողատարածք, կառուցել շքեղ առանձնատուն, վարել թանկարժեք մեքենա ու ապահովել բարեկեցիկ կյանք: Որտեղի՞ց այդ միջոցները, ո՞ւմ հովանավորությամբ, եւ ինչո՞ւ է կադաստրով դեռ «չկառուցապատված» հողամասում ծավալվում միլիոնների շինարարություն։ Ավելին՝ միայն հոգեւոր ծառայությա՞մբ են կուտակվել այս կարողությունները, թե՞ եկեղեցուն դավաճանությունը գին ունի: Սրանք հարցեր են, որոնց պատասխանները չկան: Մինչդեռ նրա կուտակված ունեցվածքի մասին տվյալները՝ թվերով, հասցեով, ամեն ինչով ի ցույց է դրված ու սպասում է պարզաբանման:

Մեզ չի դադարում զարմացնել Մարդու իրավունքների պաշտպան ԱՆԱՀԻՏ ՄԱՆԱՍՅԱՆԸ՝ իր անգործությամբ: Հոգեւորականները գրեթե ամենօրյա ռեժիմսով ահազանգում են, որ իրենց վրա ճնշումներ կան՝ իրավապահ մարմիններից սկսած մինչեւ թաղային հեղինակություններ: Պատարագները խոչընդոտվում են, քահանաները թիրախավորվում, բայց արի ու տես, որ ՄԻՊ-ից ո՛չ ձայն կա, ո՛չ ծպտուն: Ինչեւէ, հուշենք, որ գոյություն ունի ՀՀ Սահմանադրություն, որն ունի հետեւյալ բովանդակությամբ հոդված. Հայաստանի Հանրապետությունում ապահովվում է քաղաքացիների խղճի եւ կրոնական դավանանքի ազատությունը: Յուրաքանչյուր քաղաքացի ազատորեն է որոշում իր վերաբերմունքը կրոնի նկատմամբ, իրավունք ունի դավանելու ցանկացած կրոն կամ չդավանելու ոչ մի կրոն, անձնապես կամ այլ քաղաքացիների հետ համատեղ կատարելու կրոնական ծեսեր: Լավ, հե՞չ տեղյակ չէիք:

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Մենք այս պետությանը պետք չենք․ Անահիտ Մարտիրոսյան Վահագն Ալեքսանյանի խոսքով՝ հաջորդ նկատողությունից հետո Հայկ Սարգսյանը, ենթադրաբար, ՔՊ-ից կհեռացվի ՇՏԱՊ. ՀՀ նախագահ անճանաչելիորեն փոխվել է. ՖՈՏՈ Բաղդասարյանների գերդաստանը Խաչվերածը նշեց հավերժի ճամփան բռնած ՆԻՆԱ ՄԱՅՐԻԿԻ հիշատակի առաջ խոնհարմամբ