Թուրք-ադրբեջանական միությունների ֆեդերացիան աջակցում է Ալիջան սահմանային անցակետի բացմանը
Միջազգային
Թուրքիա-Ադրբեջան համերաշխության ու մշակույթի միության նախագահ և թուրք-ադրբեջանական միությունների ֆեդերացիայի մամուլի խոսնակ Սեֆեր Քարաքոյունլուն հայտարարել է, որ իրենք աջակցում են Ալիջան սահմանային անցակետի բացմանը՝ այն դիտարկելով որպես խաղաղության և համագործակցության հնարավորություն։ Նա նաև անդրադարձել է Մեծամորի ատոմակայանի շահագործմանը, այս մասին գրում է Ermenihaber.am-ը։
Նրա խոսքով՝ կտրականապես դեմ են ատոմակայանի շարունակական շահագործմանը և պահանջում են անհապաղ դադարեցնել դրա գործունեությունը։
Նա պնդել է, որ ԱԷԿ-ը գտնվում է ակտիվ սեյսմիկ գոտում, Թուրքիայի սահմանին չափազանց մոտ է, կառուցված է հնացած տեխնոլոգիաներով և լուրջ վտանգ է ներկայացնում ոչ միայն Հայաստանի, այլև Թուրքիայի, Ադրբեջանի և ամբողջ Կովկասի համար։ Նա ընդգծել է, որ միջուկային վտանգը անտեսելով, հնարավոր չէ կառուցել կայուն խաղաղություն։
Քարաքոյունլուն հայտարարությունն ավարտել է հետևյալ ուղերձներով՝ «Ո՛չ Մեծամորին, ո՛չ ատոմային էներգիային սեյսմիկ գոտում, այո՛ կյանքին, ոչ թե մահվանը»։
Հայաստանն ու Թուրքիան հաջորդ շաբաթ կանցկացնեն Մարգարա-Ալիջան անցակետի գործունեության վերաբերյալ առաջին հանդիպումը․ Հայաստան կայցելի Թուրքիայի պատվիրակությունը․ ԶԼՄ
1
30850 դիտում
2
19134 դիտում
3
1704 դիտում
4
1625 դիտում
5
1535 դիտում
