Առուշանյանն էլ էր ցնցված, նրանց անձնական թեմաներից անգամ տեղյակ չէր. Լրագրողը մանրամասներ է հայտնում Գորիսում տեղի ունեցած ողբերգական դեպքից

Գորիսում աշխատող լրագրող Արև Աբելյանը երեկ ուշ երեկոյան մանրամասներ է հայտնել քաղաքում տեղի ունեցած ողբերգական դեպքի վերաբերյալ.

«Նոր եկա Գորիսում տեղի ունեցած ահասարսուռ և ողբերգական դեպքի վայրից։

Ողբերգական ավարտով թեման բավականին հին էր, որի մասին անգամ ես էի տեղյակ։ Բարեկամներով որոշել էին պապենական հողամասի հարցը լուծել, որը տեղափոխվել էր Գորիսի գերեզմանատան տարածք։

20 տարուց հետո Գորիս վերադարձած երիտասարդը հարցը որոշել էր նռնակով լուծել, որն էլ ահավոր ավարտ ունեցավ։

Գնացի նաև Գորիսի բժշկական կենտրոն։ Ինչպես միշտ ոտքի էր կանգնել ԲԿ֊ի ողջ թիմը` տնօրենի գլխավորությամբ և պայքարում էին 3-րդ երիտասարդի կյանքի համար։

ԲԿ-ում հանդիպեցի ու խոսեցի Առուշ Առուշանյանի հետ։ Պարոն Առուշանյանն էլ էր ցնցված, և նրանց անձնական թեմաներից անգամ տեղյակ չէր։

Գորիսում ուժային կառույցներն էլ իրենց տեղում էին բոլորն ամեն ինչ անում էին, բայց... ափսոս ունենք 2 երիտասարդի կորուստ։

Նշեմ, որ Գորիսում, ըստ նախնական տեղեկությունների, նռնակի պայթյունի հետևանքով կա 2 զոհ, 1 վիրավոր: ՆԳՆ քրեական ոստիկանության ծառայողները ձեռնարկում են միջոցառումներ դեպքի բոլոր հանգամանքները պարզելու ուղղությամբ։

Վեճի ժամանակ, նռնակ է պայթել, որի հետևանքով սպանվել է Առուշ Առուշանյանի վարորդը, երկար ժամանակ Հայաստանում չբնակված նրա հեռավոր բարեկամը, ում հետ էլ եղել է վեճը: Արցախից դուրս եկած մի երիտասարդ էլ վիրավորվել է, այժմ նրան վիրահատում են:

Ողբերգական միջադեպը կենցաղային պատճառ ունի, Առուշանյանն այս թեմայի հետ կապ չունի»։

Այս թեմայով Ամուլսարի գործունեության հետևանքով Հայաստանը կարող է վերածվել տոքսիկ անապատի. Ահազանգում է բնապահպանը «Փաստ». Առուշանյանն ազատվում է ՔՊ-ից Նարիմանյանը պատրաստ է պատմել ողջ իրականությունը, որից հետո Խորխոռունու գործը նոր ընթացք կստանա ՇՏԱՊ. Առկա է վեբկայք, որտեղ տեղադրված են ՀՀ քաղաքացիների տեսանյութերն ու լուսանկարները, որոնք արվել են հասարակական զուգարաններում Երևանը պետք է ազատել ինքնակամ շինություններից՝ երևանցուն իր քաղաքում օտարված ու անպաշտպան չդարձնելով