Շատ քիչ է մնացել, վաղը լավ օր է լինելու. Լեւոն Հարությունյան

Եռաբլուր պանթեոնում «Իրավունք»-ը հանդիպեց դերասան ԼԵՎՈՆ ՀԱՐՈՒԹՅՈՒՆՅԱՆԻ հետ: Բանակի կազմավորման տոնին ընդառաջ՝ նա եկել էր երկնային բանակին հարգանքի տուրք մատուցելու:

— Ի՞նչ նշանակություն ունի հունվարի 28-ի տոնը Ձեզ համար այսօր՝ այն պայմաններում, երբ արժեքների խեղաթյուրման շրջանում ենք հայտնվել:

— Այսքան տղաների, որոնք Եռաբլուրում են, մենք պատասխանելու բան ունենք: Քանի որ մի սերունդ, կոպիտ ասած, գրեթե չկա, երկու սերունդների արանքում մի մեծ, խորը փոս է: Ու այդ երկու սերունդների կամուրջը լինելու է Արցախը: Երբ այդ կամուրջը եղավ, մենք բոլորով կրկին կգանք Եռաբլուր ու նոր կասենք՝ տղե՛րք, արեցինք… Ձեզ շնորհակալ ենք:

Անպայման այդ օրը շատ մարդիկ ներողություն են խնդրելու՝ այն դավաճանները, որոնք ուզում են լինել, իրենք էլ չեն կարող լինել: Ես այսքանը կարող եմ ասել:

— Որքանո՞վ էր Ձեզ համար ընդունելի, որ երկրային ու երկնային բանակները տարանջատեցին իրարից. հունվարի 27-ը դարձավ երկնային բանակի հիշատակի օր, 28-ը՝ բանակի տոն:

— Պատկերացնո՞ւմ եք, ասեմ՝ ընդունելի է: Իհարկե, անընդունելի է: Միայն այս կառավարությունը կարող էր այդպիսի բան անել, որը լոգիկայից դուրս է, չգիտի՝ ինչ բան է հերոսը, ինչ բան է Հայրենիքը:

Ես մի ամբողջ կյանք չեմ ընդունի հայրենիքի առեւտրականներին, հայրենիք ծախողներին: Իսկ եթե այդ որոշումը ծախողների կողմից է կայացվել, միանշանակ անընդունելի է:

— Պարոն Հարությունյան, ի վերջո, կարողանալո՞ւ ենք վաղ, թե ուշ այս իրավիճակի դուրս գալ:

— Շատ քիչ է մնացել, վաղը լավ օր է լինելու: Դա իմ անձնական կարծիքն է, եւ ես դրան հավատում եմ: Ու ոչ միայն ես, լիքը մարդ է դրան հավատում: Օրը կգա, կտեսնեք:

ՀՐԱՆՏ ՍԱՐԱՖՅԱՆ

Այս թեմայով ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել «Խլուրդը դո՛ւք եք, գաղտնիք բացեմ՝ ձեզնից ա ինֆորմացիան եկել»․ Լևոն Քոչարյանը՝ Նիկոլ Փաշինյանին Բաղդասարյանների գերդաստանը Խաչվերածը նշեց հավերժի ճամփան բռնած ՆԻՆԱ ՄԱՅՐԻԿԻ հիշատակի առաջ խոնհարմամբ Չշփոթել իշխանությունը իրավունքի հետ, օրենքը՝ կամայականության հետ, իսկ լռությունը՝ խաղաղության հետ Լևոն Բաղդասարյանի կողմից հնչեցված յուրաքանչյուր գնահատական ինձ համար առանձնահատուկ արժեք ունի. Հրանտ Սարաֆյանի շնորհակալական խոսքը