ԱՀԱԶԱՆԳ. Ոսկետափի վարչական ղեկավարն ու Սուրբ Սահակ-Մեսրոպ եկեղեցու կառուցման հովանավորը Տեր Արտաշեսին եկեղեցին ազատելու համար մի ժամ են տվել

168.am-ը գրում է․

Մասյացոտնի թեմը հայտարարություն է տարածել, որում ասվում է. «Ոսկետափում շարունակվում են ճնշումները Սուրբ Սահակ–Մեսրոպ եկեղեցու հոգևոր հովիվ Տեր Արտաշես քահանա Հակոբյանի նկատմամբ։

Քիչ առաջ ահազանգ ստացվեց, որ այսօր Ոսկետափ բնակավայրի վարչական ղեկավար Նշան Հովհաննիսյանը և Սուրբ Սահակ–Մեսրոպ եկեղեցու կառուցման հովանավոր Համլետ Գորոյանն այցելել են եկեղեցի և հոգևոր հովիվ Տեր Արտաշես քահանա Հակոբյանից պահանջել են ազատել եկեղեցին։ Նրանք նաև հայտնել են, որ մեկ ժամ անց վերադառնալու են՝ եկեղեցու մուտքի դռների բանալիները փոխելու նպատակով։

Նման գործողությունները անօրինական և անթույլատրելի միջամտություն են Հայաստանյայց Առաքելական Սուրբ Եկեղեցու ներքին կյանքին և հոգևորականների ծառայությանը։

Հորդորում ենք անհապաղ դադարեցնել Սուրբ Սահակ–Մեսրոպ եկեղեցու բնականոն գործունեությանը խոչընդոտող բոլոր քայլերը և քահանայի նկատմամբ իրականացվող ճնշումները։

Միաժամանակ հայտնում ենք, որ հիշյալ եկեղեցին կառուցված է Մայր Աթոռ Սուրբ Էջմիածնին սեփականության իրավունքով պատկանող հողատարածքի վրա, և որևէ անձ կամ մարմին իրավասու չէ կամայականորեն սեփականացնել եկեղեցին կամ միջամտել եկեղեցու գործունեությանը»:

Նյութի աղբյուր՝ https://168.am/2026/01/

Այս թեմայով ՌԴ և Նոր Նախիջևանի թեմից վարժական հավաքներին մասնակցելու ծանուցագիր են ստացել ևս 2 հոգևորական Հայ առաքելական սուրբ եկեղեցին դատի է տվել նախկին հոգևորական Արամայիս Թախմազյանին Խուսափեք Աստծո բարկությունից, մի՛ կատարեք Նեռի հրամանները, հանուն ձեր ընտանիքների. Արմինե Սնդոյան 600 հոգևորականի մեջ մի 20 դավաճանը մեծ բան չի. Արմինե Սնդոյան «Հ1-ի եթերում իրեն սրբի տեղ դրած նախկին հոգևորականը մինչև կարգալուծությունը տարիքով մեծ կնոջ հետ է ապրել». Մանրամասներ Նշան Հովհաննիսյանի մասին