TikTok-ը կշարունակի գործունեությունն ԱՄՆ-ում և կպատկանի ամերիկացի ներդրողներին

Կարճամետրաժ տեսանյութերի հանրաճանաչ հավելվածը ներկայացնող TikTok ընկերությունը հայտարարել է, որ կնքել է գործարք, որը թույլ կտա շարունակել գործունեությունը Միացյալ Նահանգներում: «Արմենպրես»-ի փոխանցմամբ՝ այս մասին հաղորդում է BBC-ն։

Գործարքը կնքվել է Վաշինգտոնի և Պեկինի միջև տարիներ տևած առճակատումից հետո, որը սկսվել էր Դոնալդ Թրամփի նախագահության առաջին ժամկետի ընթացքում, երբ նա փորձել էր արգելել հավելվածը՝ ազգային անվտանգության հետ կապված մտահոգությունների պատճառով։Վաշինգտոնը նախկին նախագահ Ջո Բայդենի ժամանակ էլ պահանջում էր, որ հավելվածի չինական սեփականատեր ByteDance ընկերությունը վաճառի TikTok-ը։Ըստ համաձայնագրի՝ TikTok USDS Joint Venture LLC անունով նոր ընկերությունը կապահովի օգտատերերի տվյալների, հավելվածների և ալգորիթմների պաշտպանությունը գաղտնիության և կիբեռանվտանգության միջոցառումների միջոցով։TikTok-ը հայտարարել է, որ նոր համատեղ ձեռնարկությունը կգործի որպես անկախ կազմակերպություն, որը կկառավարի յոթ անդամից բաղկացած տնօրենների խորհուրդը, որոնց մեծ մասը ամերիկացիներ են։

Այս առնչությամբ ԱՄՆ նախագահ Դոնալդ Թրամփը գրառում է կատարել Truth Social հարթակում։«Ես շատ ուրախ եմ, որ օգնեցի փրկել TikTok-ը։ Այն այժմ կպատկանի ամերիկացի մեծ հայրենասերների և ներդրողների խմբին, որը աշխարհում ամենամեծն է, և կլինի կարևոր ձայն», – նշել է Թրամփը՝ հավելելով, որ երիտասարդները 2024 թվականի նախագահական ընտրություններում իր օգտին ձայն են տվել այդ թվում նաև այս հարցի շուրջ իր դիրքորոշման պատճառով։ Թրամփը շնորհակալություն է հայտնել փոխնախագահ Ջեյ Դի Վենսին և վարչակազմի մյուս բոլոր անդամներին, ովքեր օգնել են այս գործարքը հասցնել «շատ դրամատիկ, վերջնական և գեղեցիկ ավարտի»։

«Ես նաև կցանկանայի շնորհակալություն հայտնել Չինաստանի նախագահ Սիին մեզ հետ աշխատելու և, ի վերջո, գործարքին հավանություն տալու համար։ Նա կարող էր գնալ այլ ճանապարհով, բայց չարեց, և գնահատվում է իր որոշման համար»,- հավելել է նա։Նախատեսված էր հարթակը արգելել ԱՄՆ-ում 2025 թվականի հունվարին, եթե դրա չինացի սեփականատեր ByteDance-ը չվաճառեր իր ամերիկյան գործունեությունը ամերիկացի ներդրողներին: Այնուամենայնիվ, ԱՄՆ նախագահ Դոնալդ Թրամփը բազմիցս հետաձգել էր օրենքի կիրառումը։ԱՄՆ օրենսդիրները մտահոգություն էին հայտնում, որ Պեկինը կարող է ստիպել ընկերությանը հանձնել ԱՄՆ օգտատերերի տվյալները։

TikTok-ը և ByteDance-ը մշտապես հերքել են այս մեղադրանքները։Սեպտեմբերին Թրամփը հայտարարել էր, որ համաձայնության է եկել Չինաստանի հետ, որը թույլ է տալիս հավելվածին շարունակել գործել ԱՄՆ-ում։Եվ դեկտեմբերին, ըստ TikTok-ի գործադիր տնօրենի, ամերիկացի և միջազգային ներդրողների հետ ստորագրվել են համաձայնագրեր ԱՄՆ-ում TikTok-ի գործունեության վերաբերյալ։

Այս թեմայով Աշխարհի ամենահայտնի TikToker-ը՝ Խաբի Լեյմը, վաստակել է 975 միլիոն դոլար՝ վաճառելով իր ավատարի իրավունքները Մեր Գործընկերոջ անունից կեղծ պրոֆիլով էջ են բացել եւ զրպարտել մեր Գործընկերոջը. Լուսանկար Ով է «Վայբ» սրճարանում դեբոշ սարքած տրանսգենդերը. Մանրամասներ ՇՏԱՊ. Տրանսգենդերը հայհոյանքներ է հնչեցրել