Կցանականայինք, որ մեր գործընկերները մեզնից վերցնեին ոչ միայն անվանումը, այլեւ ծրագիրը

Օրերս լուր տարածվեց, որ գրանցվել է նոր անունով կուսակցություն ` «Ուժեղ Հայաստան»: Ավելի ճիշտ անունն է նոր, իսկ կուսակցությունը նախկւնում այլ անվանում ուներ: Սակայն այս նոր անվանումը շփոթմունք կարող է առաջացնել քաղաքական դաշտում, չէ՞ որ արդեն հինգ տարի է ինչ գործում է «Ուժեղ Հայաստան Ռուսաստանի հետ. հանուն նոր միության» շարժումը: Ընդ որում գործում է ակտիվ` կազմակերպում է երթեր, կոնֆերանսներ, հանդես է գալիս մամուլում:

Արդյո՞ք այս անվանագողության նպատակը նախըտրական խառնաշփոթ ստեղծելն է, որպեսզի խոչնդոտել «Ուժեղ Հայաստան Ռուսաստանի հետ. հանուն նոր միության» խիստ ընդդիմադիր շարժմանը ընտրական գործընթացներում: Սա դեռ շատ վաղուց հայտնի հնարք է` ընտրողներին շփոթութկան մեջ գցելու համար: Այս հարցով դիմեցինք «Ուժեղ Հայաստան Ռուսաստանի հետ. հանուն նոր միության» շարժման համակարգող, ՍԻՄ կուսակցության նախագահ Հայկ Բաբուխանյանին:

- Չեմ կարող ասել այս ոչ գեղեցիկ քայլի մտահաղացման նպատակը, եթե իսկապես մեզ խանգարելն է, ապա դա վկայում է, որ մեր շարժումը իսկապես մեծ վտանգ է իշխանությունների եւ որոշ այսպես կոչված ընդդիմադիրների համար: Սակայն բոլոր դեպքերում կցանականայինք, որ մեր նորաթուխ գործընկերները մեզնից վերցնեին ոչ միայն անվանումը, այլեւ մեր քաղաքական ծրագիրը: Ավելին, ուրախ կլինենեք, եթե այդ կուսակցությունը մաս կազմեր մեր շարժման եւ նպաստեր մեր նպատակների իրագործմանը ու ուժեղ Հայաստանի ստեղծմանը:

Ա. Հովհաննիսյան

Այս թեմայով Փաշինյանը մի շարք նոր եվ ծանր հարցերի առաջ կանգնեց Եվրոպայում խուճապ է տարածվում. տասնյակ նոր ինքնաթիռներ ստանում են ռումբի մասին սպառնալիքներ Ի՞նչ է «ակնարկում» Չեխիայի դեսպանն իր կարմիր վարդով Նիկոլի ռեպրեսիաների խորապատկերում՝ համախմբման նոր փորձ Ucom-ի սպասարկման կենտրոնն Արտաշատում վերաբացվել է նոր հասցեում