«Ժողովուրդ». ԱԺ նախագահի հարսին՝ Անի Գեւորգյանին դատարան են հրավիրել

«Ժողովուրդ» օրաթերթը գրում է. «ArmLur.am–ը իրավապահ կառույցների իր աղբյուրներից տեղեկացավ, որ Ազգային ժողովի նախագահ Ալեն Սիմոնյանի հարսին՝ Անի Գեւորգյանին դատարան են հրավիրել՝ ցուցմունքներ տալու:

Հիշեցնենք, որ ՀՀ Քննչական կոմիտեն պարզել էր, որ ՀՀ էկոնոմիկայի նախարարության պաշտոնատար անձինք «Հանրային ներդրումային ծրագրերի բանկի ստեղծման» մրցույթի շրջանակում օժանդակել են, որ մրցույթում իրենց նախընտրած մասնակիցը հաղթի եւ մրցույթի մյուս մասնակից հիմնադրամի համար ստեղծել են խոչընդոտներ եւ նրան փաստացի հեռացրել մրցույթից: Դրա արդյունքում՝ մրցույթում հաղթող է ճանաչվել մրցակցից շուրջ երեք անգամ ավել՝ ավելի քան 392 մլն դրամ գնային առաջարկ ներկայացրած ընկերությունը։

Ավելի ուշ ԱԺ նախագահի հարսի մասով հայտնի գործը կարճվեց: Գլխավոր Դատախազությունից այս գործի մասով Armlur.am-ին հայտնել էին, որ «Նկատի ունենալով, որ ներքոնշյալ անձինք նախաքննության ընթացքում համագործակցել են քրեական հետապնդման մարմնի հետ, ամբողջությամբ ընդունել և չեն վիճարկել իրենց ներկայացված մեղադրանքները, դրանցում նկարագրված փաստական հանգամանքները՝ հսկող դատախազի կողմից նշված անձանց կողմից ներկայացված միջնորդությունների քննարկման արդյունքում, որոշումներ են կայացվել վերջիններիս նկատմամբ գործուն զղջալու հիմքով հանրային քրեական հետապնդումը դադարեցնելու մասին»:

Այսինքն, ըստ դատախազության, ԱԺ նախագահ Ալեն Սիմոնյանի հարսը կատարել է հանցանք, ընդունել է իր մեղքը, համագործակցել նախաքննական մարմնի հետ և այդ հիմքով նրա մեղադրանքի մասով գործը կարճվել է: Փայլուն արդարադատություն: Իսկ 1 նախադասությամբ հայ առաքելական սուրբ եկեղեցուն պաշտպանած ազգային բարերր Սամվել Կարապետյանին 7 ամիս է պահում են կալանքի տակ. Երեկ նրա տնային կալանքը էլի փոխվեց բանտային կալանքով»։

Առավել մանրամասն թերթի այսօրվա համարում

Այս թեմայով Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը «Հրապարակ»․ «Պալաչը» Տեղեկանքի համար դիմել է դատարան Երբ ցանկանում էի խոսել երեխայիս հետ գրական հայերենով, ստիպված էի լսել՝ «Մի՜ հաչա այդ շան լեզվով»․ Անի Օհանյան Արշակ Կարապետյանին հրավիրել են դատախազություն «Ժողովուրդ». ՍԴ նախագահի ընտրության շուրջ խաղաթղթերը խառնվել են