ԲԱՆԱԿ ՄԵԿՆԵՑԻՆ ԱՐԹԻԿ ՀԱՄԱՅՆՔԻ ՆՈՐԱԿՈՉԻԿՆԵՐԸ

Հունվարի 12-ին, մարդաշատ էր Շիրակի մարզի Արթիկ խոշորացված համայնքի զինկոմիսարիատի բակը։Iravunk. com -ի Շիրակի մարզի թղթակիցը ներկա է գտնվել։ Արթիկ համայնքում տրվեց 2026 թվականի Ձմեռային զորակոչի մեկնարկը։ Պարտադիր զինվորական ծառայության մեկնեցին 70 նորակոչիկներ։ Նրանց Հայոց բանակ ճանապարհեցին Արթիկ համայնքի ղեկավար Անան Ոսկանյանը, Արթիկի Թեմի Առաջնորդ Գերաշնորհ Տեր Նարեկ Եպիսկոպոս Ավագյանը, համայնքապետարանի պատասխանատուներ, զինվորականներ, ուժային կառույցների ղեկավարներ, նորակոչիկների ծնողներ, հարազատներ, ընկերներ ։Տեր Նարեկ Սրբազանի օրհնությունից ու Տերունական աղոթքից հետո, համայնքի ղեկավար Անան Ոսկանյանը բարի երթ, խաղաղ ու անփորձանք ծառայություն մաղթեց Հայոց բանակի շարքերը համալրող տղաներին, նա մաղթեց, որ տղաների ծառայությունը անցնի անփորձանք ու առողջ վերադառնան հայրական օջախներ։

Հոռոմ գյուղից բանակ էր մեկնում նորակոչիկ ԱՐԹՈՒՐ ՆԱԼԲԱՆԴՅԱՆԸ, ով տան երրորդ զավակն է, որ համալրում է Հայոց բանակի շարքերը,  Iravunk. com -ի Շիրակի մարզի թղթակցի հետ զրույցում նշեց.

«Շատ բարձր տրամադրությամբ եմ մեկնում Հայոց բանակ, որպեսզի նույն բարձր տրամադրությամբ էլ 1,5 տարի հետո վերադառնամ հայրենի տուն։ Ծառայությունը տղամարդու համար է, նույնիսկ աղջիկներն են ծառայում, մենք ինչպես կարող է չգնանք պաշտպանելու մեր հայրենիքը։

Իսկ Սպանդարյան գյուղից բանակ մեկնող ՆԱՐԵԿ ԱՂԱԼԱՐՅԱՆԸ, մեզ հետ զրույցում նշեց.

«Մեր մայրերին, քույրերին, բոլորին ենք գնում պաշտպանելու, սա յուրաքանչյուր տղայի պարտքն է, սա սրբազան պարտք է, որը պիտի կատարենք, լինի 2 տարի, կամ 1,5 տարի, միևնույնն է, ծառայությունը մնում է ծառայություն»։

Հարազատների աչքերում միախառնվել էին հուզմունքն ու հպարտության զգացողությունները, մի կողմից հպարտ են, որ իրենց պիտի պաշտպանեն, մի կողմից էլ չէին կարողանում զսպել արցունքները, բոլոր մայրերի ու հարազատների ցանկությունը մեկն է, երբեք պատերազմ չլինի, խաղաղ ծառայեն ու բարով հայրենի օջախներ վերադառնան բոլոր տղաները։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով ԲԱՆԱԿ ՄԵԿՆԵՑԻՆ ԱԽՈՒՐՅԱՆՑԻ ՆՈՐԱԿՈՉԻԿՆԵՐԸ ԳՅՈՒՄՐԻՈՒՄ ԱՅՍՕՐ ՏՐՎԵՑ ԱՄԱՌԱՅԻՆ ԶՈՐԱԿՈՉԻ ՄԵԿՆԱՐԿԸ Բանակում քրեական ենթամշակույթի ներթափանցման դեմ լուրջ աշխատանք ենք տանում, բայց դեռ դեպքեր կան Լուրը, որ Իրանը 12 տարեկան երեխաների է զորակոչում բանակ, ֆեյկ է Սիրիական բանակը հայտարարել է Իրաքի տարածքից իր բազայի հրթիռակոծման մասին