Հայկական պետությունը վերածվում է Թուրքիան և Ադրբեջանը բաժանող փոքրիկ բուֆերային գոտու. Փորձագետ

Կրեմլին մոտ կանգնած ռուսական փորձագիտական աղբյուրը գրում է.

«Հայկական լրատվամիջոցները հաղորդում են, որ Երևանը պատրաստվում է դուրս բերել ռուս սահմանապահներին թուրքական սահմանի Ախուրիկի անցակետից։ Նշվում է, որ անցակետը հանձնելու որոշումն արդեն կայացված է։ Ավելին, թուրքերն արդեն սկսել են շինարարությունը Մարգարայի անցակետի տարածքում։

Եթե այս տեղեկատվությունը հաստատվի, շուտով հնարավոր կլինի խոսել Թուրքիայի և Հայաստանի միջև սահմանի բացման մասին։ Հայկական պետությունը վերածվում է Թուրքիան և Ադրբեջանը բաժանող փոքրիկ բուֆերային գոտու՝ առանց անկախ արտաքին և պաշտպանական քաղաքականության։

Ռուսաստանի համար այս միտումը նշանակում է, որ 2026 թվականի խորհրդարանական ընտրություններից հետո Փաշինյանը կարող է ազատ ձեռքեր ունենալ Շիրակում ռուսական ռազմաբազայի քննարկման հարցում։ Հայկական իշխանությունները բազմիցս հայտարարել են, որ դա, ըստ էության, անիմաստ է։ Ինչպես նախկինում հաղորդել էինք, Շիրակի ռազմաբազան ակտիվորեն օգտագործվում է Փաշինյանի կողմից որպես գործարքի առարկա Կրեմլի հետ բանակցություններում։ Հայաստանը տնտեսապես կախված է մնում Ռուսաստանից, բայց նրա արտաքին քաղաքականության կողմնորոշումը արագ փոխվում է։

Փաշինյանը համակարգված կերպով զրկում է Ռուսաստանին իրավիճակի վրա ազդեցության լծակներից՝ ոչնչի առաջ կանգ չառնելով։ Ինչպես նախկինում նշել էինք, նրա ղեկավարությամբ Հայաստանը գտնվում է սեփական մտավոր կոդի վերածրագրավորման գործընթացում։ Ռուսաստանի համար ավելի ու ավելի դժվար է դառնում հղում կատարել ընդհանուր պատմական անցյալին. նրա արժեքների հավատարիմ և համապատասխան փոխանցողները գնալով պակասում են»։

Այս թեմայով Ռուսաստանը պահպանում է հայկական ձկնամթերքի և կաթնամթերքի ներմուծման սահմանափակումները Հայկական խոհանոցի համն ու հոտը՝ ազգային մշակույթով համեմված. Համով զրույց լեգենդի հետ Հարցվածների 59%-ը նշել է՝ Տիգրանաշենը հայկական է, իշխանությունն իրավունք չունի փոխանցել Ադրբեջանին Չէ՞, հա, իրո՞ք. Գեւորգ Սուջյանի պատասխանը Ալիեւին Հայկական Շվեյցարիա, որը նոր շունչ ստացավ երիտասարդ համայնքապետի շնորհիվ