«Մենք չենք կարող թույլ տալ եղբայրության խաթարումը Հալեպում»․ Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ Հալեպում ընթացող զարգացումների պայմաններում անհրաժեշտ է կանխել ազգերի միջև եղած եղբայրական հարաբերությունների խաթարումը։ Այս մասին հայտնում է Ermenihaber.am-ը։

«Մենք չենք կարող թույլ տալ, որ թուրքերի, արաբների և քրդերի միջև եղած եղբայրությունը խաթարվի»,-ասել է նա՝ հավելելով, որ այդ գործընթացին պետք է զգուշորեն մոտենալ, իսկ սադրանքների նկատմամբ՝ լինել առավել զգոն։

Այս մասին վերջինս հայտարարել է Թուրքիայում իշխող «Արդարություն և զարգացում» կուսակցության (ԱԶԿ-AKP) կենտրոնական կառավարման խորհրդի նիստում, որում քննարկվել են Սիրիայի շուրջ վերջին զարգացումները և «Թուրքիան առանց ահաբեկչության» տեսլականը։

Նիստում Էրդողանը նշել է, որ Թուրքիայի անվտանգությունն ապահովելու համար ձեռնարկվում են բոլոր անհրաժեշտ միջոցառումները, իսկ Հալեպի «Սիրիայի քրդական ինքնապաշտպանական ուժերից» (YPG) ազատվելը կարևոր քայլ է Սիրիայում կայուն խաղաղության ու անվտանգության հաստատման ուղղությամբ։

Էրդողանը նաև ընդգծել է, որ Հալեպում ստեղծված իրավիճակը պատմական հնարավորություն է մարտի 10-ի համաձայնագրի իրագործման համար, և Թուրքիան շարունակելու է այդ ուղղությամբ քայլեր ձեռնարկել։

Այս թեմայով ՀՐԱՏԱՊ. Հալեպ քաղաքում պայթյուններ են որոտացել Վտանգավոր իրավիճակի կայունացումից հետո Հալեպում կվերաբացվեն դպրոցներն ու համալսարանները Հալեպ-Երևան չվերթը չեղարկվել է Հալեպում մարտերի պատճառով զոհերի և տեղահանվածների թիվն աճել է Մարդիկ զգուշությամբ են փողոց դուրս գալիս, չգիտեն ամեն հաջորդ վարկյանին ինչ կլինի. Բացառիկ մանրամասներ Հալեպից