Ինքնախոստովանական ցուցմունք է տվել. ԶԱՐՄԱՆՔ

«Իմնեմնիմի» փոդքասթի համահեղինակ, քաղբանտարկյալ ՆԱՐԵԿ ՍԱՄՍՈՆՅԱՆԻՆ տեղափոխել են պատժախուց։ Պատճառը՝ ՔԿՀ-ն ի վիճակի չի եղել համապատասխան պայմաններ ապահովել, որպեսզի նա կարողանա հացադուլ անցկացնել իր խցում: Այո՛, ճիշտ հասկացաք՝ այն պահին, երբ պետությունն առնվազն պարտավոր էր ապահովել նվազագույն մարդկային պայմաններ կալանավորի համար, անում է ճիշտ հակառակը՝ հավելյալ պատիժ է սահմանում: Իհարկե, այս իշխանության որեւէ օղակի կատարած հերթական անտրամաբանական քայլն այլեւս մեծ զարմանք չի առաջացնում, բայց մի բան, այնուամենայնիվ, շարունակում է ապշեցնել, ինչի մասի բարձրաձայնել է նախկին քաղբանտարկյալ Տաթեւիկ Վիրաբյանը. «Ինչպես է հնարավոր, որ մարդկային բնական ճանապարհով այս աստիճանի հրեշներ են ձեւավորվել։ Սրանք մինչեւ վերջին ընդդիմադիրը բանտ կնետեն, պատրաստ են մինչեւ վերջին ընդդիմադիրի դիակի վրայով քայլեն, որ հանկարծ աթոռը չկորցնեն, օտար տերերի աչքից չընկնեն, որ Հայաստանի թուրքացման ծրագիրը մինչեւ վերջ իրագործեն»: Նշենք, որ եթերում «հետույք» բառն օգտագործելու համար կալանավորված Սամսոնյանն արդեն հինգերորդ օրն է, ինչ գտնվում է հացադուլի մեջ՝ պահանջելով անհապաղ ազատ արձակել իրեն ապօրինի կալանքից: Իսկ Մայր Տաճարի բակում ուղիղ եթերով սեռական բնույթի հայհոյանք հնչեցնող պաշտոնյաները շարունակում են մնալ ազատության մեջ:

Ի դեպ, դեռեւս սրբազանի կարգավիճակ ունեցող, բայց տիրադավ հռչակված Մասյացոտնի թեմի արդեն նախկին առաջնորդ ԳԵՎՈՐԳ եպիսկոպոս ՍԱՐՈՅԱՆԸ զարմանալի ինքնախոստովանական ցուցմունք է տվել լրագրողների առաջ: «Հերթական կեղծ պատարագի բեմադրության ժամանակ սույն անձը հայտարարել է՝ «Մեր ( նկատի ունի եկեղեցին, ուզում է տպավորություն թողնել, թե ինքը դեռ եկեղեցու մաս է) ներքաշված լինելը քաղաքականության մեջ, ես համարում եմ ոտնձգություն պետականության հանդեպ»։ Ու սա ասում է մի մարդ, որը Նիկոլի կամքով, հավանաբար, շատ լուրջ կոմպրոմատների ճնշման ներքո դարձել է քաղաքական խաղալիք օրվա իշխանության ձեռքում ու լծվել է Հայ Առաքելական Սուրբ եկեղեցին կազմաքանդելու գործին։ Քաղաքական կեղտոտ խաղերի մեջ ներքաշված Գեւորգը փաստացի ինքնախոստովանական ցուցմունք է տալիս՝ խոստովանելով, որ քաղաքական գործիքի կարգավիճակով գործում է ոչ միայն եկեղեցու, այլ նաեւ պետության դեմ», - ասում է քաղաքագետ Դերենիկ Մալխասյանը։

Իսկ այն, ինչ կատարվում է աշխարհում, լրիվ աբսուրդի ժանրից է: ԱՄՆ նախագահ ԴՈՆԱԼԴ ԹՐԱՄՓԸ սոցցանցում հրապարակել է փաստաթուղթ, որտեղ ինքն իրեն նշանակել է Վենեսուելայի Հանրապետության «ժամանակավոր նախագահ»: Սա, եթե ոմանց համար չափազանց ծիծաղելի է, ապա միջազգային իրավունքի տեսանկյունից, ուղղակի, ողբերգական է: Թրամփի կողմից այս քայլը վկայում է միջազգային իրավունքի խայտառակ կերպով ոտնահարման մասին՝ հաշվի առնելով, որ նման հայտարարությունները հակասում են պետական ինքնիշխանությանը եւ միջպետական հարաբերությունների հիմունքներին։ Բայց ո՞ւմ ինչ ենք ասում: Հիշեցնենք, որ 2026-ի հունվարին ԱՄՆ-ն իրականացրել է ռազմական գործողություն Վենեսուելայում՝ տապալելով երկրի նախագահ Նիկոլաս Մադուրոյին։ Վերջինս՝ իր կնոջ՝ Սիլիա Ֆլորեսի հետ ձերբակալվել եւ տարվել են Նյու Յորք ու կանգնել դատարանի առաջ՝ մեղադրվելով նարկոահաբեկչության մեջ։ Համաձայնեք, որ այս դեպքը ցայտուն օրինակ է այն մասին, թե ինչպես ժողովրդավարության մասին ամեն օր աղաղակող երկրները կարող են քիթները խոթել այլ երկրի ինքնիշխանության եւ անկախության մեջ ու նույն ժողովրդավարության մասին լոզունգների ներքո՝ առաջադեմ հանրության աչքի առաջ գաղութացնել այն:

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Որ ուժերն են մասնակցում Կարապետյանի տան հավաքին Նիկոլ Փաշինյանն ուզում է առևտուր անել մեզ հետ. ինչքան պետք է՝ կնստենք, կհելնենք, բայց պետք է սրանց ցույց տանք, որ չենք զիջելու. Նարեկ Կարապետյան Վաղը պետք է կարևոր բան լիներ, մի քանի ժամից կիմանաք, դա են փորձել կանխել․ Նարեկ Կարապետյան Ցվայգն ու ՔՊ-ի ցուգցվանգը․ ԶԱՐՄԱՆՔ Նարեկ Կարապետյանի երեխայի համակարգիչն են առգրավվել, սա հերթական քաղաքական հետապնդումն է