Ամանորը միայն քաղաքի կենտրոնի համար չէր, ծայրամասերում էլ են ապրում հարկատուներ եւ «տուգանքի մատերիալներ»

ՀՀ կառավարության աշխատակազմի ղեկավար Արայիկ Հարությունյանը տարեսկզբին հորդորել էր, թե՝ եկեք օգնենք համակարգին, անջատենք ավելորդ «լույսերը», Նոր Նորքի թաղապետն էլ՝ Մարատ Սեւոյանը շտապ անջատել է… Տո ի՞նչ անջատել, հեչ չի էլ միացրել: Ցրտին զուգահեռ՝ մթին են սովորեցնում, մասիվցիների համար 90-ականները  վերադարձել է՝ իր ողջ «հմայքով», թե բա՝ հոսանք ենք խնայում:

Հավանաբար, Նոր Նորքի թաղապետը Հարությունյան Արայիկի հայտարարությունը ընդունել է բառի ամենաուղիղ իմաստով ու ամանորյա զարդարանքը մասիվցիների «գլխից կտրել» ամեն առումով: Նոր Նորքում չկա ոչ մի տեսակի զարդարանք՝ մարդը խնայում է: Ավելին, անգամ տոնածառի լույսերն է անջատել տալիս՝ գիշերվա ժամը 01:00-ից հետո: Այսինքն, ողջ քաղաքը լուսավորված է Ամանորի շնչով, իսկ Մասիվում՝ խնայողություն: Ախր դե մի ուրիշ թաղապետ է՝ խնայող, խելոք, լսող, իսկական թառլան հարս: Բայց, սուսուփուսիկ թառլանը տեղյակ չի հավանաբար, որ միայն թաղապետարանի շենքի երկայնքով լույսեր կախելով՝ դեռ չի նշանակում, որ գումարներ կարող է դուրս գրել, իբր տոնական լուսավորումը ապահովել է:

Ի դեպ, հիշեցնենք վայ սուսիկ-փուսիկ թաղապետին, որ Մասիվում ապրում են երեխաներ, պատանիներ, ովքեր ուրախանում են նաեւ լուսավորությամբ եւ վերջապես՝ Ամանորը միայն կենտրոնի համար չէ, քաղաքի ծայրամասերում էլ են ապրում հարկատուներ, իրենց պատկերացմամբ՝ «տուգանքի մատերիալներ»: Հետաքրքիր է, քաղաքապետ Տիգրան Ավինյանը տեղյա՞կ է, որ Նոր Նորքը տոն օրերին մթության մեջ խրված է: Թե՞ «Ասեք կանենք» կարգախոսը փոխարինել է «չասեցիք, չարեցինք»-ով: Եթե գիտի ու դեռ չի պատժել թաղապետին, ուրեմն՝ դավադիր համախոհներ են, իսկ եթե չգիտի, բա ի՞նչ գիտի...

ՆԱՆԱ ՍԱՐԳՍՅԱՆ

Այս թեմայով Նոր Նորքի բնակիչների ահազանգի հետքերով Նիկոլը ցայտնոտի մեջ է, հավատավոր ժողովուրդն առավել քան համախմբված է եկեղեցու շուրջ. Մարատ Շամիրյան Ըմբիշ Մարատ Աճեմյանը 10։0 հաշվով հաղթեց ադրբեջանցուն Հայտնի է Նորքի նոր թաղապետի թեկնածուի անունը Բացահայտվել են սուվորովին առանձնակի դաժանությամբ սպանողները