Դահուկորդ Միքայել Միքայելյանին տուգանել են մրցաշարի ժամանակ «Ադրբեջան» գրությունը ծածկելու համար

Դահուկային սպորտի և սնոուբորդի միջազգային ֆեդերացիան (FIS) կարգապահական պատժամիջոցներ է կիրառել հայ մարզիկ Միքայել Միքայելյանի նկատմամբ Tour de Ski միջոցառման ժամանակ: Տուգանքի պատճառն այն է եղել, որ դահուկորդը մրցակցային հագուստի վրա կպչուն ժապավենով ծածկել է «Ադրբեջան» գրությունը. երկրի անվանումը մրցաշարի պաշտոնական հովանավորչական ապրանքանիշն է, գրում է Sportaran-ը: FIS-ում դրամական տույժի չափը չեն բացահայտել։

Ինքը՝ Միքայելյանը, նույնպես հրաժարվել է մեկնաբանել իր արարքի դրդապատճառները։ Միջադեպը տեղի է ունեցել իտալական Տոբլախ քաղաքում անցկացվող մրցումներից մեկի ժամանակ։

Նշվում է, որ Ադրբեջանի հովանավորչական խորհրդանիշները լայնորեն ներկայացված էին Tour de Ski-ում. լոգոները տեղադրվում էին ոչ միայն մարզիկների սարքավորումների վրա, այլև մայրուղու երկայնքով բազմաթիվ գովազդային կառույցների վրա: FIS-ի որոշումը՝ երկրի անունը ներառել պարտադիր ձևավորման մեջ, հարցեր է առաջացրել նաև մրցաշարի մյուս մասնակիցների մոտ, նշում է լրատվամիջոցը: Նորվեգացի դահուկորդ, աշխարհի չեմպիոն և Ski Classics շարքի հաղթող Աստրիդ Էյրե Սլինդը խոստովանել է, որ զարմացած է նման քայլից:

Նա Շվեդական Expressen պարբերականին տված մեկնաբանության մեջ նշել է, որ նման պրակտիկան անսովոր է և ստիպում է մտածել նման համաձայնագրերի էթիկական ասպեկտների մասին: Ինչ վերաբերում է մարզական արդյունքին, ապա Միքայելյանն ավարտել է 72-րդ հորիզոնականում՝ գերազանցելով տվյալ մրցավազքում 20 կմ մեկնարկող 92 մարզիկներից 20-ին:

Այս թեմայով Եթե նախարարը նման կարծիք ունի, ապա չգիտեմ էլ ինչ ասեմ, նշանակում է մենք ահավոր վիճակում ենք. Միքայել Միքայելյան Միայն Ադրբեջանի նախարարը կարող էր պարզաբանում պահանջել, թե ինչու եք մեր պետության անունը ջնջել. Դահուկավազքի Հավաքականի գլխավոր մարզիչ Վլադիմիր Պուտինն ու Ալեքսանդր Լուկաշենկոն Սոչիում դահուկ են քշել