Զգալի ձյուն, բուք, ցածր հորիզոնական տեսանելիություն․ այս օրերի եղանակի տեսություն

Ուշադրություն

Միջերկրական ծովից ցիկլոնի ներթափանցմամբ պայմանավորված  դեկտեմբերի 31-ին կեսօրից հետո դեպի երեկո, հունվարի 1-2-ին հանրապետության շրջանների մեծ մասում սպասվում է ձյուն, առանձին հատվածներում՝ զգալի։ Հանրապետության լեռնային մարզերի առանձին գոտիներում սպասվում է նաև քամու ուժգնացում՝ 18-23մ/վրկ, բուք, ցածր հորիզոնական տեսանելիություն։ Օդի ջերմաստիճանը հունվարի 3-4-ին հանրապետության ողջ տարածքում գիշերը կնվազի 14-18աստիճանով։ Երևանում դեկտեմբերի 31-ի երեկոյան ժամերից, հունվարի 1-ին, 2-ի գիշերը և առավոտյան սպասվում է ձյուն:

Երևան քաղաքում՝
Հունվարի 1-2-ին սպասվում է ձյուն: Հունվարի 3-5-ին սպասվում է առանց տեղումների եղանակ:

Հանրապետության տարածքում`
Հունվարի 1-2-ին հանրապետության շրջանների մեծ մասում սպասվում է ձյուն, առանձին հատվածներում՝ զգալի, լեռնային մարզերում` բուք, ցածր հորիզոնական տեսանելիություն։ Հունվարի 3-5-ին սպասվում է առանց տեղումների եղանակ։ Քամին հյուսիսարևմտյան՝ 2-5մ/վ, դեկտեմբերի 31-ի ցերեկը, հունվարի 1-2-ին առանձին վայրերում սպասվում է քամու ուժգնացում՝ 18-23մ/վրկ արագությամբ։ Օդի ջերմաստիճանը հունվարի 1-ի գիշերը կբարձրանա 9-11 աստիճանով, հունվարի 3-4-ին աստիճանաբար կնվազի 14-18 աստիճանով։

Այս թեմայով Ինչ է ուզում Զելենսկին. կա երկու տեսություն. Ուկրաինական աղբյուր ԱՄՆ-ում 38 մլն մարդ ձնաբքի նախազգուշացում է ստացել․ հետաձգվել է ավելի քան 3500 չվերթ Ինչ սպասել 2026-ից. Մեկնաբանում են տարբեր ոլորտների անձիք Կիևի վրա շատ ցածր էր թռչող «Գերան» անօդաչուն բախվեց էլեկտրահաղորդման գծին (Տեսանյութ) Սաստիկ բքի պատճառով Լուսաղբյուրից մինչև Ջաջուռի ոլորաններ ճանապարհահատվածը փակ է