2026 թվականի համար «կենդանի Նոստրադամուսի» 10 սարսափելի կանխատեսումները

«Կենդանի Նոստրադամուսը» տասը սարսափելի կանխատեսում է արել 2026 թվականի համար, գրում է Express-ը: Բրազիլացի միստիկ Աթոս Սալոմեն կանխատեսում է, որ գալիք տարում աշխարհին սպասվում են բնական աղետներ, տնտեսական ցնցումներ և միջազգային հակամարտությունների սրում:

Հակամարտություն Արկտիկայում. Ռուսաստանն ընդդեմ ՆԱՏՕ-ի

Աշխարհաքաղաքական առումով Սալոմեին ամենից շատ անհանգստացնում են Արկտիկայի շուրջ ռուսական նկրտումները: Նա նախազգուշացնում է, որ չնայած ուկրաինական հակամարտության վրա սևեռված ուշադրությանը՝ Կրեմլը ժամանակակից հրթիռային համակարգեր է տեղափոխում Արկտիկայում գտնվող իր ռազմավարական բազաներ: Սառույցների հալմանը զուգընթաց ավելի հասանելի են դառնում նոր նավագնացային երթուղիներն ու էներգակիրների հանքավայրերը: Սա էապես մեծացնում է 2026 թվականին տարածքների և ռեսուրսների համար ՆԱՏՕ-ի հետ ուղղակի բախման հավանականությունը:

Անկայունություն Սահելում և միջնորդական պատերազմներ

Ըստ Սալոմեի կանխատեսման՝ հյուսիսային Նիգերը և Սահելի տարածաշրջանն ամբողջությամբ կդառնան կրիտիկական թեժ կետեր։ Ծայրահեղական խմբավորումների արագ տարածումն ու ուժեղացումը կհանգեցնի համաշխարհային տերությունների միջև միջնորդավորված բախումների, որոնք պայքարում են ազդեցության համար՝ արևմտյան զորքերի դուրսբերումից հետո։

BRICS+ և դոլարի ձախողում

ԲՐԻԿՍ+ դաշինքից պետք է սպասել վճռական գործողությունների: Սալոմեն պնդում է, որ Սաուդյան Արաբիան առաջարկում է վերակառուցել այս միավորման ֆինանսական կանոնները, որպեսզի առևտուրն ու ֆինանսական գործարքները չիրականացվեն դոլարով: Սա կհանգեցնի ամերիկյան արժույթից հրաժարվելու գործընթացի արագացմանը:

Իրանի և Իսրայելի միջև լարվածությունը սրացում

Ակնկալվում է, որ Մերձավոր Արևելքում լարվածությունը կհասնի կրիտիկական կետի: Սալոմեն նախազգուշացնում է, որ ուրանի հարստացման ուղղությամբ Իրանի աշխատանքները և Իսրայելի հավանական ռազմական նախապատրաստությունները կարող են հրահրել տարածաշրջանային անկայունության նոր և տևական փուլ, որի սրումը տեղի կունենա 2026 թվականի երկրորդ եռամսյակում:

Ռուսաստանում պահեստազորայինների զանգվածային մոբիլիզացիա

Ակնկալվում է, որ Ռուսաստանում մինչև մարտ ամիսը հրամանագիր կստորագրվի մինչև 800,000 պահեստազորայինների մոբիլիզացիայի մասին (Պաշտպանության նախարարությունը նման պլանների մասին չի հայտնել — խմբ.): Սալոմեն սրա մեջ տեսնում է Ռուսաստանի առավել հարձակողական ռազմավարական կուրսի վկայությունը, որն առաջին հերթին կենտրոնանալու է ազգային կիբերանվտանգության և հակաօդային պաշտպանության վրա, ինչը դուրս է գալիս ստանդարտ ռազմական կառավարման շրջանակներից:

ԱՄՆ-ն կամրապնդի Կարմիր ծովում իր ներկայությունը

Միստիկը կանխատեսում է, որ Միացյալ Նահանգները զգալիորեն կուժեղացնեն իրենց ռազմական ներկայությունը Բաբ էլ-Մանդեբի նեղուցի շրջանում, որը չափազանց կարևոր ծովային ուղի է։ Դա կլինի ուղղակի պատասխան Թեհրանի կողմից աջակցվող գրոհայինների գործողություններին։ Այսպիսով, պետք է սպասել աշխարհաքաղաքական պայքարի սրման՝ այս ռազմավարական կետի նկատմամբ վերահսկողության համար։

Լեհաստանի տնտեսական ճգնաժամը

Ֆինանսական անկայունությունը կլինի միջազգային կարևոր թեմա: Սալոմեն նախազգուշացնում է, որ Լեհաստանն այս առումով առավել խոցելի է և մեծ դեֆիցիտի պատճառով կարող է բախվել լուրջ ֆինանսական ճգնաժամի: Սա կարող է հանգեցնել բանվորների գործադուլների և Արժույթի միջազգային հիմնադրամի հետ հակամարտությունների։

Կիսահաղորդիչների պակաս Ճապոնիայում

Ակնկալվում է, որ Ճապոնիայում կառաջանան լուրջ տնտեսական խնդիրներ՝ կապված կիսահաղորդիչների պաշարների նվազման հետ: Ըստ Սալոմեի կանխատեսումների՝ երկրին սպասվում է արդյունաբերական արտադրության զգալի անկում, ինչը հաջորդ տարվա երկրորդ եռամսյակում խնդիրներ կառաջացնի առանցքային ճյուղերում:

Արևային փոթորկի սպառնալիք և թռչնագրիպի առողջապահական ճգնաժամ

Սալոմեն կանխատեսում է երկու զուգահեռ սպառնալիք՝ մեկը բնական, իսկ երկրորդը՝ առողջապահության ոլորտում։

2026 թվականի մարտի 12-ից 15-ն ընկած ժամանակահատվածում սպասվում է հզոր արեգակնային փոթորիկ (կորոնալ զանգվածի արտանետումներ), ինչը կարող է հանգեցնել էլեկտրաէներգիայի զանգվածային անջատումների և ամբողջ աշխարհում խոցելի էլեկտրահամակարգերի վնասմանը։

Նա նախազգուշացնում է գլոբալ մասշտաբով H5N1 վիրուսի նկատմամբ հսկողության ուժեղացման անհրաժեշտության մասին, հատկապես այն պատճառով, որ ԵՄ-ն մտադիր է թույլատրել մոդիֆիկացված ՌՆԹ-պատվաստանյութի օգտագործումը՝ թռչնագրիպի հաճախակի դարձած բռնկումների պատճառով։

Թվային արժույթը և տիեզերային անոմալիաներ

Վերջին մի քանի կանխատեսումները նվիրված են տեխնոլոգիաներին և անհայտին:

Ակնկալվում է, որ Եվրոպական կենտրոնական բանկը (ԵԿԲ) փորձնական ռեժիմով կսկսի թվային եվրոյի փորձարկումները՝ գործարքների ավտոմատ սահմանափակումներով:

ԱՄՆ-ն կստեղծի քվանտային ծրագրային ապահովում, որն ընդունակ կլինի իրական ժամանակում հետևել սուզանավերին:

Սալոմեն տարաձայնություններ է կանխատեսում Հնդկաստանի և Starlink-ի միջև՝ արբանյակային ինտերնետ ծառայությունների պատճառով:

Յուպիտերի ուղեծրի մոտ կհայտնվի մի խորհրդավոր օբյեկտ, որը Եվրոպական տիեզերական գործակալությունն իբր հեռացրել է իր պաշտոնական զեկույցներից՝ նկատված անոմալիաների պատճառով:

Սալոմեի կանխատեսումները մատնանշում են, որ 2026 թվականը բեկումնային տարի կդառնա՝ նշանավորված խորը տարաձայնություններով, տնտեսական վերակառուցմամբ և բախումներով:

Այս թեմայով Ռուսները ոչնչացրել են Ուկրաինայի զինված ուժերի համար բեռներ տեղափոխող եւս հինգ բեռնանավեր (Տեսանյութ) Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ Ռուսաստանը Իրանին տրամադրել է արբանյակային տվյալներ՝ ամերիկյան բազաներին հարվածների համար. CNN Նախկին վարչապետի ընտանիքը սգում է ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով