Տարին մեզ համար հեշտ չէր, բայց այն լի էր հավատով, համառ աշխատանքով եւ միասնականությամբ. Շահվերդյան

«Կ. Ստանիսլավսկու անվան թատրոնի անունից սրտանց շնորհավորում եմ գալիք Նոր տարին։

Ցանկանում եմ խորին շնորհակալություն հայտնել մեր թատրոնի ողջ կոլեկտիվին, մեր հավատարիմ հանդիսատեսին, մեր ընկերներին, գործընկերներին
և բոլոր նրանց, ովքեր այս կամ այն կերպ կապված են թատրոնի հետ։

Այս տարին մեզ համար հեշտ չէր, բայց այն լի էր հավատով, համառ աշխատանքով և միասնականությամբ։ Օր ու գիշեր աշխատող մարդիկ եղան, ովքեր իրենց ուժն ու ժամանակը ներդրեցին, որպեսզի մենք կարողանանք վերանորոգել մեր դահլիճը, փոխել 70-ամյա պատմություն ունեցող աթոռները և թատրոնին տալ նոր շունչ, նոր ներկայացումներ հիմնական դահլիճում և նոր հարթակներում:

Շնորհակալ եմ բոլոր նրանց, ովքեր աջակցեցին թատրոնին, կանգնեցին մեր կողքին և օգնեցին, որ այս փոփոխությունները իրականություն դառնան։ Այս ամենը հնարավոր եղավ միայն Ձեր վստահության, նվիրվածության և սիրո շնորհիվ։

Թող գալիք տարին յուրաքանչյուրիս համար լինի խաղաղ, առողջ, լի ստեղծագործական հաջողություններով, նոր գաղափարներով և լեփ լեցուն դահլիճներով։

Շնորհավոր գալիք Նոր տարի և Սուրբ Ծնունդ։ Թող թատրոնը շարունակի ապրել, զարգանալ և միավորել մեզ բոլորիս», - գրել է Կ. Ստանիսլավսկու անվան ռուսական դրամատիկական թատրոնի տնօրեն ՍՈՒՐԵՆ ՇԱՀՎԵՐԴՅԱՆԸ։

Այս թեմայով «Ըմբոստ թռչնակ»-ով մեկնարկում է 18-րդ «ՌեԱ» միջազգային փառատոնը Ռուսական ուժերը կրկին ծանր հրթիռային հարված են հասցրել Կիեւին եւ այլ տարածքների (Տեսանյութ) Ռուսական ուժերը ոչնչացրել են Կրամատորսկի ռազմավարական կամուրջներից մեկը (Տեսանյութ) Ռուսական արբանյակը, հնարավոր է, Ուկրաինային տվյալներ փոխանցող օբյեկտի վրա հարձակման փորձարկումէ արել. Reuters Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է