«Իրավունք»-ը թթու թան չէ, ամեն դդումային երեւույթի խելքի բան չէ

Նախատոնական այս օրերին, երբ ամեն ոք զբաղված է ընտանեկան եռուզեռով, կառավարության աշխատակազմի ղեկավար Արայիկ Հարությունյանը զբաղված է ո՛չ ավել, ո՛չ պակաս «Իրավունքի» փիառով։ Թերեւս սա 7 տարվա կառավարման փորձի առաջին «արդյունավետ» աշխատանքն է, ինչի առթիվ նախ շնորհավորում ենք վերջինիս:

Ժողովրդի թուքումուրից վաղուց դեղնած իշխանության հերթական ներկայացուցիչը «դեղին մամուլ» է որակել «Իրավունք»-ը։ Իհարկե, մեծագույն ամոթ կլիներ ու բոլորովին պատիվ չէր բերի, եթե արայիկհարությունյանանմանների սրտի թերթը «Իրավունք»-ը լիներ: Իսկ այն փաստը, որ Հայաստանի Հանրապետության անկախության ակունքներում կանգնած, ամենասկզբունքային ու ազգային թերթը Արայիկ Հարությունյանի համար «դեղին մամուլ» է, միայն մեկ բան է ապացուցում՝ մենք ճիշտ նյարդին ենք դիպչել եւ ճիշտ ուղու վրա ենք, ինչպես 37 տարի շարունակ։

Իսկ թե ի՞նչն է Արայիկ Հարությունյանին վրդովվեցրել, չափազանց ուշագրավ է: Կառավարությունում այդպես էլ չսիրված մնացած սույն պաշտոնյայի մասին նրան մոտ կանգնած մեր աղբյուրները հայտնել էին, թե գործադիրի վերջին նիստից հետո՝ Նիկոլ Փաշինյանը կոշտ խոսակցություն է ունեցել նրա հետ։ Վերջինիս նա մեղադրել է եկեղեցու դեմ արշավի օպերացիան ձախողելու մեջ։ Եվ ահա Արայիկ Հարությունյանը ոչ միայն հաստատում է այս տեղեկությունն, այլ հստակեցնում ժամանակահատվածը, թե երբ է «կլիզմա» ստացել վերադասից: Ավելին՝ թերթն ամենեւին էլ չէր գրել, թե իշխանության եկեղեցու դեմ տասնյակ  օպերացիաներից կոնկրետ որի՞ համար է մեղադրել Հարությունյանին վերադասը, մինչդեռ նա այստեղ էլ է փակագծեր բացում:

«Միայն այն, որ նյութի մեջ գրում են կառավարության վերջին նիստից հետո է դա ասել… Այսինքն՝ վարչապետը մի շաբաթ սպասում է այդ իրադարձությունից հետո, որ ինձ նկատողություն անի՞...», - լրատվամիջոցներից մեկի հետ զրույցում «Իրավունք»-ից բամբասել է Արայիկ Հարությունյանը:

Բայց, սա դեռ ամենազավեշտալին չէ այս ամբողջ պատմության մեջ: Արայիկ Հարությունյանը ֆեյսբուքյան իր էջում հրապարակում է տեսանյութը, թե ինչպես է «Իրավունք»-ի հետեւից ավել-պակաս խոսում եւ գործի է անցնում նրա թիվ մեկ երկրպագուն սոցցանցներում՝ պոռնոաստղ, մերձիշխանական բլոգեր Ռոման Բաղդասարյանը: Նրան էր վերապահված նյութի տարածումը: Ակամայից հիշեցինք, որ ժամանակին էլ տրանսգենդեր Կարաբինան էր բավարարված դուրս գալիս Արայիկ Հարությունյանի հետ ունեցած կոնսուլտացիայից, եւ հայտարարում այդ մասին:

Ինչեւէ, իհարկե, այս իշխանության ներկայացուցիչներին, այդ թվում Արայիկ Հարությունյանին հարազատ է ռաբիսը, դմփ-դմփ-հուն ու իրենց «վոժդի» ռիթմերի տակ թռչկոտելը, բայց մենք, որպես վերջաբան, հիշեցնենք մի էստրադային երգից տողեր. «Չչարանաս երբեք, մնա միշտ սիրտդ բաց, միշտ ներիր, թեկուզ մի քիչ լինես պարտված, հիշիր, որ էս կյանքում էլ միշտ բումերանգը կա»: Ավելին՝ ոչ միայն հիշեք, այլեւ ականջներիդ օղ արեք՝ «Իրավունք»-ը թթու թան չէ, ամեն դդումային երեւույթի խելքի բան չէ:

«Իրավունք»

Այս թեմայով Ռուսաստանը կարող է հարձակվել ՆԱՏՕ-ի տարածքի վրա «ամիսների ընթացքում, այլ ոչ թե տարիների». Չեխական հակահետախուզություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը