Ռուսական զորքերը գերել են ուկրաինացի զիվորներին, որոնց ուղարկել էին Կուպյանսկ՝ լուսանկարվելու նպատակով

Ռուսական զորքերը գերի են վերցրել Ուկրաինայի զինված ուժերի զինյալների, որոնց իրենց հրամանատարները ուղարկել էին Կուպյանսկ՝ «իրենց ներկայությունը ապացուցելու համար լուսանկարվելու» նպատակով։

Ռազմագերի Վալերի Սոկոլենկոն պատմել է, որ հրամանատարությունը վեց խումբ է ուղարկել՝ Ռուսաստանի կողմից վերահսկվող տարածքներում Ուկրաինայի դրոշի բարձրացման տեսանկարահանման համար, որպեսզի հետագայում օգտագործվի Կիևի ռեժիմի կողմից հասարակայնության հետ կապերի արշավներում։

Սոկոլենկոն ուղարկվել է որպես տեսանկարահանող խմբերից մեկի կազմում։ Նրանք պետք է գաղտնի հասնեին նշանակված վայր, տեսանկարահանեին, ապա «անաղմուկ» դուրս գային անտառով։ Նրա խոսքով՝ խմբերից միայն նա էր, որ ողջ մնաց։

«Եվ ես ընտրություն կատարեցի` հանձնվել և ապրել։ Հրամանատարությունը գիտեր, որ Կուպյանսկում շատ ռուս զինվորներ կան։ Ըստ էության, նրանք մեզ ուղարկեցին որպես թնդանոթի միս»,- ասել է Սոկոլենկոն։

Մեկ այլ գերի ընկած ուկրաինացի մարտիկ՝ Սերգեյ Հուսարը, նշել է, որ ինքը նույնիսկ չգիտեր, թե ինչ առաքելություն է իրեն հանձնարարված. հրամանատարը նրան հանձնարարել է «ծածկել» խմբի մյուս անդամներին։

«Մեր ժամանած վայրում շատ ռուսներ կային։ Եվ նրանք մեզ սպասում էին. մենք հայտնվեցինք շրջապատման մեջ։ Մեր մարդկանցից մեկը կրակ բացեց։ Նրան սպանեցին։ Մեզ առաջարկեցին հանձնվել, և մենք համաձայնեցինք, քանի որ այլևս ուժ չունեինք դիմադրելու», - ավելացրեց գերին։

Այս թեմայով «Լեվ Գրուպը» շարունակում է փաստաբանական պրոֆեսիոնալիզմի մաստեր կլաս ցույց տալ Ինչ նոտարական ծառայությունից է օգտվել Արայիկ Հարությունը իրականում. Բաքվի գերությունը հաղթահարած Գեւորգ Սուջյանը փակագծեր է բացում Frankfurter Allgemeine. Ուկրաինայի հետ կապված գերմանական ռազմական ընկերությունների վրա հարձակման հետևում ռուսական ԳՌՈՒ-ն է Ռուսական տանկերը ճեղքում են պաշտպանությունը, ուկրաինական անօդաչուները չեն կարողանում խանգարել,. Լեհական աղբյուր Ռուսական գազից հրաժարվելը Հայաստանի համար շատ ավելի ցավոտ կլինի, քան ԵՄ այլ երկրների համար․ ՌԴ ԱԽ