Նոր տարվա գիշերը սպասվում են մեծ ծավալի տեղումներ, դեռևս հանգստի ժամանակ չունենք. քաղաքապետ

Երևանի քաղաքապետարանի գործակարգավարական նիստում քննարկվել են հանգստյան օրերին իրականացված ձնամաքրման աշխատանքները։

Քաղաքապետի խորհրդական Կամո Արեյանը հայտնել է, որ քաղաքային ծառայությունները նախապես պատրաստված են եղել տեղումներին, և ձնամաքրման աշխատանքները սկսվել են ժամանակին։

«Ամբողջ գիշեր աշխատանքները վերահսկվել են տեղում՝ վարչական շրջանների ղեկավարների կողմից։ Առանց բացառության՝ բոլոր 12 վարչական շրջանների ղեկավարները տեղում են եղել և աշխատել»,- նշել է նա։

Ըստ Արեյանի՝ փողոցների մշակումը շարունակվել է նաև երեկվա ցերեկային ժամերին։ Նա ընդգծել է, որ ամենածանր աշխատանքը կատարվել է երեկ գիշերը։

«Ամենածանր աշխատանքը, թող տարօրինակ չթվա, ոչ այնքան առաջին գիշերվա անընդհատ տեղումների մեջ աշխատելն էր, որքան երեկ երեկոյան ջերմաստիճանի կտրուկ անկումը։ Մենք ամեն ինչ արեցինք, որ քաղաքում որևէ խնդիր չառաջանա»,- ասել է նա՝ հավելելով, որ աշխատանքները կշարունակվեն նաև այսօր՝ մաքրելով մայթերը և բակերը։

Արձագանքելով, քաղաքապետ Տիգրան Ավինյանը նշել է. «Իրապես, այս անգամ մեր արձագանքը ավելի օպերատիվ է եղել, և մենք ավելի լավ պատրաստված ենք եղել։ Այդուհանդերձ, հաշվի առնելով, որ Նոր տարվա գիշերը սպասվում են մեծ ծավալի տեղումներ, սա նշանակում է, որ դեռևս հանգստի ժամանակ չունենք այդ առումով։ Մեր տեխնիկան և հերթապահները պետք է պատրաստ լինեն, որպեսզի քաղաքը մնա անցանելի։

Երկրորդային որոշ փողոցների բարձրադիր հատվածներում դեռևս առկա են խնդիրներ։ Ջերմաստիճանի կտրուկ անկման դեպքում շատ հաճախ աղն ու ավազը չեն օգնում, այնուամենայնիվ, անհրաժեշտ է պլանավորել որոշակի գործողություններ»

Այս թեմայով Ամանորյա գիշերը 21,000 մարդ է եղել հրապարակում. Նիկոլ Փաշինյան Կենդանակերպի երկու նշանի դրական փոփոխություններ են սպասվում Ամանորի գիշերը ուկրաինական անօդաչուները գրոհել են Մոսկվան Ռեժիմն ամեն ինչ արեց, որպեսզի Դավիթ Համբարձումյանը Նոր տարին դիմավորի ճաղերի հետևում. Աբրահամյան Սպասվում է առանց տեղումների եղանակ. օդի ջերմաստիճանը կբարձրանա 9-11 աստիճանով, ապա աստիճանաբար կնվազի