Ռուսական ուժերը լուրջ սպառնալիք են ստեղծում Զապորոժե քաղաքի համար (Քարտեզ)

Թեեւ Զապորոժեի -ակատի արեւելքում ռուսական ուժերը, գրավելով Գուլյայպոլեն, անմիջապես էլ շարունակեցին հարձակումը դեպի հյուսիս եւ արեւմուտք (https://iravunk.com/?p=331252&l=am), սակայն դա ամենեւին էլ ուկրաինական կողմի ամենամեծ խնդիրը չէ:

Գուլյաիպոլեն, իհարկե, հայտնի քաղաք է` լեգենդար Մախնոյի ծննդավայրը, գտնվում է տափաստանային գոտում՝ մարզի մարզկենտրոն Զապորոժիեից 90 կմ արևելք։ Ռազմական տեսանկյունից, Գուլյայպոլեն 2022 թվականից ի վեր Ուկրաինայի զինված ուժերը վերածեցին հզոր պաշտպանական գծի երեք հիմնական «ամրոցներից» մեկի (Օրեխովոի և Ստեպնոգորսկի հետ միասին)՝ դեպի Զապորոժիե տանող ճանապարհին։

Սակայն այդ «ամրոցն» ընկավ շատ կարճ ժամանակում եւ պարզ պատճառով. ռուսները հարվածեցին ոչ այն ուղղությունից, որով կենտրոնացած էր պաշտպանություն: Այն է` կարողացան դուրս գալ քաղաքի թիկունք, որի պարագայում պաշտպանական համակարգն այլեւս իր նպատակին չծառայեց:

Ու դա վերաբերում է ուկրաինական  այդ ողջ պաշտպանական գծին:

Նշված երեք ամրոցներից մյուսը` Ստեպնոգորսկը, որը ճակատի արեւմտյան թեւում է, ռուսները նույնպես գրավել են: Եվ այս օրերին այդ ուղղությունից ռուսական ուժերը շատ լայն շերտով թափանցում են ուկրաինական նշված պաշտպանական համակարգի թիկուք: Ռուսական ուժերը գրավել են Լուկյանովսկոեն, գրոհում են Պավլովկան: Դրանից հետո հարվածի տակ է Նովոպավլովկա-Մագդալինովկա գիծը, որը հաղթահարելով, ռուսները սպառնում են արեւմտյան թեւից դուրս գալ երկոկրդ «ամրոցի»` Օրեխովոի մերձական թիկունք (Քարտեզ 1): Ընդ որում, այս հատվածին է ուղղված նաեւ Գուլյայպոլեից` դեպի արեւմուտք սկսված հարձակումը:

Բայց, կրկնենք ուկրաինական կողմի ամենամեծ խնդիրը սա չէ: Հաշվի առնելով, որ Օրեխովոեից հյուսիս ուկրաինացիները եւս մեկ պաշտպանական գիծ ունեն, եւ Գուլյայպոլե - Օրեխովո - Ստեպնոգորսկ ուղղությունը կորցնելով, կարող են պաշտպանություն կազմակերպել նաեւ այդ բնագծում:

Շատ ավելի վտանգավոր է Գույյայպոլեից դեպի հյուսիս` Տերնովատոեի հատվածում ծավալվեց իրադարձությունները: Տերնովատոեն ուկրաինական բոլոր պատրաստի պաշտպանական գծերից այն կողմ է: Այդ բնակավայրը ռուսներն այս պահին գրոհում են երեք ուղղությունից, եւ դրա գրավելն օրերի հարց է: Բայց դրա հետ միաժամանակ, ռուսական ուժերն արդեն այդ հատվածից զարգացնում են հարձակումը դեպի արեւմուտք, եւ արդեն հաջորդ բնակավայրերի` Ռոժդեստվենսկոե - Վոզդվիժեվկայի մատույցներում են (Քարտեզ 3): Դրանք գրավելով, կհարվածեն Լյուբիցկոեի ուղղությամբ, որտեղով, ինչպես ուկրաինական կեղմ է տեղեկացրել, կառուցվում է նոր պաշտպանական բնագիծ (Քարտեզում` 1): Բայց այն պատրաստ չէ, ավելին, մոտ 20-25 կիլոմետրանոց հատվածում դեռ աշխատանքներ չեն սկսվել: Այն է` ռուսների արագ առաջխաղացման դեպքում, որը, դատելով ներկա տեմպերից, շատ հնարավոր է, այդ բնագիծն էլ, դեռ չկառուցված, կհայտնվի ռուսական ուժերի թիկունքում: Ու կախված այն հարձակումից, որն ընթանում է արեւմտյան ուղղությունից, ռուսները սպառնում են շատ ավելի խորը շրջապատման մեջ վերցնել ուրաինական ողջ հարավզապորոժյան ճակատը: Միաժամանակ, հաջող օպերացիայի դեպքում, որը, կրկնենք, ռուսները պետք է իրականացնեն մի հատվածում, որտեղ ուկրաինացիներն այլեւս կառուցված պաշտպանական բնագծեր չունեն, ռուսական ուժերը դուրս կգան Զապորոժե քաղաքի հեռվոր մատույցներ: 

Ընդ որում, վտանգն այնքան իրատեսական է դարձել, որ ուկրաինական փորձագիտական աղբյուրներն ահազանգում են Զապորոժեում արագացված կարգով պաշտպանական համակարգեր ստեղծելու անգրաժեշտության մասին:

Այս թեմայով Ուկրաինական հեռուստաալիքները լուրջ խնդիրներ ունեն տվյալների կենտրոններին զանգվածային հարվածներից հետո Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան «Լեվ Գրուպը» շարունակում է փաստաբանական պրոֆեսիոնալիզմի մաստեր կլաս ցույց տալ Frankfurter Allgemeine. Ուկրաինայի հետ կապված գերմանական ռազմական ընկերությունների վրա հարձակման հետևում ռուսական ԳՌՈՒ-ն է ԱՄՆ բանակը զորքեր է պատրաստում Կուբայում օպերացիայի համար. CBS News