«ԵՎՐՈՊԱՅԻ ՈՒ ԱՇԽԱՐՀԻ ԱՌԱՋՆՈՒԹՅՈՒՆՆԵՐԻՑ ՄԵՐ ՄԱՐԶԻԿՆԵՐԸ ՆՎԱՃԵԼ ԵՆ 23 ՄԵԴԱԼ». ՀԱՅԱՍՏԱՆԻ ԽԱՌԸ ՄԵՆԱՄԱՐՏԵՐԻ /MMA /ՖԵԴԵՐԱՑԻԱՅԻ ՆԱԽԱԳԱՀ ԳԱՐԵԳԻՆ ԱՂԱԲԱԼՅԱՆ

Iravunk. com -ի մարզական լրագրողի հետ զրույցում Հայաստանի Խառը մենամարտերի /MMA /ֆեդերացիայի նախագահ ԳԱՐԵԳԻՆ ԱՂԱԲԱԼՅԱՆԸ պատմել է անցնող տարում մարզիկների գրանցած ձեռքբերումների, նվաճումների և գալիք Նոր տարվա ծրագրերի, անելիքների մասին։

- Ասեմ, որ անցնող 2025 թվականը բավականին հաջող, հագեցած տարի էր մեզ համար։ Եվրոպայի ու Աշխարհի առաջնություններից մեր մարզիկները նվաճել են 23 մեդալ, ինչը, բնականաբար, հաջող կարող եմ համարել։ Եվրոպայի առաջնությունում նաև հաղթող ունեցանք։

Իսկ ԿԱՐԵՆ ՂԱԶԱՐՅԱՆԸ NAIZA կազմակերպությունում անցկացված պրոֆեսիոնալ մենամարտում փայլուն հաղթանակ տոնեց Ղազախստանի ներկայացուցչի հանդեպ։

Իսկ ԱՐԹՈՒՐ ԱՍՈՅԱՆԸ, դարձավ Աշխարհի բրոնզե մեդալակիր, հանդես գալով 56,7 կգ քաշային կարգում, սա պատմական նվաճում էր, քանի որ 12 տարի մեդալ չէին նվաճել մեր մարզիկները ԱԱ֊ից։

- Հետաքրքիր է, իսկ պետական աջակցություն ստանում եք։

- Ցավոք, ոչ, պետական որևէ աջակցություն չենք ստանում։ Հիմնական պատճառը այն է, որ մեր մարզաձևը օլիմպիական չէ։ Ամեն բան մեր ֆեդերացիայի միջոցներով ենք իրականացնում։ Մեզ միայն աջակցում է Ոչ Օլիմպիական մարզաձևերի միությունը։

- Պատմության գիրկն է անցնում 2025 թվականը։ Ինչ ծրագրեր, անելիքներ կան գալիք տարի։

- Փետրվարի 5-15-ը, Սերբիայի մայրաքաղաք Բելգրադում կկայանա պատանիների, երիտասարդների ու մեծահասակների Եվրոպայի առաջնությունը։ Դրանից հետո Արաբական Միացյալ Էմիրությունների Աբու Դաբի քաղաքում կկայանա պատանիների Աշխարհի առաջնությունը։ Ապա Վրաստանի մայրաքաղաք Թբիլիսիում կկայանա երիտասարդների և մեծահասակների Աշխարհի առաջնությունը։ Տարվա ընթացքում մրցաշարերի պակաս չենք ունենա. բազմաթիվ պրոֆեսիոնալ մենամարտեր, միջազգային մրցաշարեր, Աշխարհի գավաթի խաղարկությունը կկայանա Աֆրիկայում Անգոլայի Լուանդա քաղաքում։

- Հետաքրքիր է, թե ինչպիսի մարզաձև է Խառը մենամարտերը, մեր երկրում զարգացած է։

- Մարզաձևը մեր երկրում բավականին զարգացած է, ուրախալի է, որ տարեցտարի ավելանում է հետաքրքրվողների թիվը, պարապողների զգալի աճ ենք ունենում։ Խառը մենամարտերը /MMA /ամբողջ աշխարհում շատ զարգացած մարզաձև է համարվում, մենապայքարային մարզաձևերի մեջ համարվում է ամենազարգացած մարզաձևերից մեկը, որտեղ կան տեխնիկական շատ գործողություններ։ Առիթից օգտվելով, ուզում եմ շնորհավորել ողջ հայ ազգին գալիք Նոր տարվա և Սուրբ ծննդյան տոների առթիվ։ Թող 2026 թվականը լինի խաղաղության, նորանոր հաղթանակների, առողջության տարի, լինենք միասնական և ուժեղ։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի