Ապօրինի պատանդառված գեներալ-լեյտենանտ Լևոն Մնացականյանը մերժեց Բաքվի մեղադրանքները քառօրյայի, վարձկանների վերաբերյալ

Գեներալ-լեյտենանտ Լևոն Մնացականյանը (ծնված՝ 1965 թ. սեպտեմբերի 14-ին, Ստեփանակերտ) ԼՂ Պաշտպանության բանակի նախկին հրամանատարն ու Արցախի Հանրապետության պաշտպանության նախկին նախարարն է (2015–2018)։

Նա ձերբակալվել է Ադրբեջանի զինված ուժերի կողմից 2023 թվականի սեպտեմբերի 29-ին՝ Հակարի կամրջի անցակետում, որը ստեղծվել էր Լաչինի միջանցքի Ադրբեջանի կողմից իրականացված ապօրինի շրջափակումից հետո։ Մնացականյանը ներկայումս գտնվում է նախնական կալանքի տակ և դատվում է Բաքվի ռազմական դատարանում՝ ևս 14 հայ քաղաքացիների հետ միասին։

Նրան մեղադրանք է առաջադրվել «հանցավոր կազմակերպությանը տարբեր ժամանակահատվածներում մասնակցելու» համար՝ Ադրբեջանի Հանրապետության քրեական օրենսգրքի առնվազն 24 հոդվածներով, այդ թվում՝ հոդված 103 (ցեղասպանություն), հոդված 114 (վարձկանություն) և հոդված 214 (ահաբեկչություն)։

Ըստ բաց աղբյուրների (իշխանամետ ադրբեջանական ԶԼՄ-ներ), 2025 թ. մարտի և սեպտեմբերի դատական նիստերի ընթացքում հրապարակվել են նրա ցուցմունքները՝ ներառյալ ռազմական ծառայության վերաբերյալ։

2025 թ. նոյեմբերի 13-ին մեղադրող կողմը դատարանից պահանջել է Լևոն Մնացականյանին դատապարտել ցմահ ազատազրկման։

2025 թ. նոյեմբերի 23-ին իր եզրափակիչ ելույթի ժամանակ Արցախի ՊԲ նախկին հրամանատարը, ըստ ադրբեջանական լրատվամիջոցների, հերքել է մեղադրող կողմի և «տուժողների» ցուցմունքները և մերժել առաջադրված մեղադրանքները ապրիլյան քառօրյայի, վարձկանների և այլնի վերաբերյալ։

Խոսեք նրանց մասին, միացեք հայ պատանդների ազատության միջազգային արշավին։

Free Armenian Hostages

Այս թեմայով «Սեւան ազգային պարկը» «հաստատել» է Ծովագյուղի սկանդալը Ապրել օրենքով, մտածել ազատ, երբեք չհաշտվել անարդարության դեմ. Հայտնի փաստաբանի ամանորյա ուղերձը Լարված իրավիճակ․ Սեմյոն Բաբայանի հարցը շփոթեցրեց Լևոն Զուրաբյանին «Փաշինյանը Ալիևի շահերը սպասարկող կլոուն է, մատը մատին չի տալիս, որ Բաքվից գերիները գան». Զուրաբյան Կործանարար ընթացք է, ի դեմս Փաշինյանի` ունենք ներքին սպառնալիք, 10 ռազմական բախում եղավ Բաքվի հետ