Մարադոնայի պատռված մարզաշապիկը վաճառվել է ռեկորդային գնով

Արգենտինացի լեգենդար հարձակվող Դիեգո Մարադոնայի խաղաշապիկը Matchday Football Auctions աճուրդում վաճառվել է ավելի քան 150 հազար եվրոյով, հայտնում է Mundo Deportivo-ն։

Խաղից հետո սկսված զանգվածային ծեծկռտուքի ընթացքում ֆուտբոլիստի մարզաշապիկը պատռվել էր։

​Ինչպես նշվում է լոտի նկարագրության մեջ, հանդերձարանում մարզաշապիկը վերցրել է ակումբի լվացքատան աշխատակցուհին։

Քանի որ այն ենթակա չէր վերամշակման, կինն այն պահել է որպես հուշանվեր, իսկ տարիներ անց նվիրել իր ծանոթին։

Մասունքը շուրջ չորս տասնամյակ մնացել է այդ ընտանիքում՝ ժառանգաբար անցնելով որդուն, մինչև վերջինս որոշել է այն հանել վաճառքի։

​Հենց մարզաշապիկի վնասվածքները՝ պատռվածքի ձևն ու երկարությունը, դարձել են դրա իսկության գլխավոր երաշխիքը և ապահովել դրա եզակիությունը։

​Մարզաշապիկը վաճառվել է 123,6 հազար եվրոյով, սակայն 23% միջնորդավճարը ներառյալ՝ վերջնական արժեքը կազմել է 152,2 հազար եվրո։ Այն դարձել է Մարադոնայի՝ աճուրդում վաճառված ամենաթանկ ակումբային մարզաշապիկը։

​Հիշեցնենք, որ Դիեգո Մարադոնան մահացել է 2020 թվականի նոյեմբերի 25-ին՝ 60 տարեկան հասակում։

Այս թեմայով Հռենոսը չորանում է. գետի ավելի ցածր մակարդակ երբեք չի գրանցվել (Ֆոտո) Ավելի շատ գնում են 600 հազար դրամ արժեցող համարանիշներ, 3 օրում 165 հատ վաճառվել է ՌԴ բենզինի և ավիացիոն վառելիքի արտահանման արգելքը անխուսելիորեն հարվածելու է ՀՀ-ին. Տնտեսագետ Նախորդ գիշեր ՌԴ ԶՈւ-ն Կիևի վրա արձակել են ռազմական հակամարտության սկզբից ի վեր ռեկորդային թվով բալիստիկ հրթիռներ Ճիշտ ու արդյունավետ կլինի դիվերսիֆիկացումը, այլ ոչ թե ամեն գնով ցույց տան, թե Ադրբեջանի հետ առևտուր են անում