Մահացել է պրոֆեսոր, ակադեմիկոս Վլադիմիր Պետրոսյանը

Խոր ցավով հայտնում ենք, որ կյանքից հեռացել է ՀՀ ԳԱԱ պատմական գիտությունների դոկտոր, պրոֆեսոր, Ինֆորմատիկայի միջազգային ակադեմիայի ակադեմիկոս Վլադիմիր Գեւորգի Պետրոսյանը՝ գիտնական, մեծ հայրենասեր, նվիրյալ ուսուցիչ եւ հայ-ռուսական պատմական ու քաղաքական հարաբերությունների խորագետ հետազոտող։

Վլադիմիր Պետրոսյանը հայ պատմագիտական մտքի այն նշանավոր ներկայացուցիչներից էր, ով իր գիտական աշխատություններով, հրապարակային ելույթներով եւ սկզբունքային քաղաքացիական դիրքորոշմամբ հետեւողականորեն ընդգծում էր հայ ժողովրդի պատմական ճակատագրում Ռուսաստանի ունեցած դերը՝ հիմնվելով դասականների ժառանգության եւ փաստական վերլուծության վրա։ Նրա աշխատությունները, այդ թվում՝ «Հայաստան. Ռուսաստա՞ն, թե՞ Արեւմուտք» գիրքը, լայն արձագանք են գտել գիտական եւ հասարակական շրջանակներում՝ դառնալով ազգային անվտանգության, պատմական հիշողության եւ պետական մտածողության շուրջ կարեւոր քննարկումների հիմք։

Պրոֆեսորի հոգեհանգիստը տեղի կունենա դեկտեմբերի 25-ին՝ «ԼյուԱր» սգո սրահում։ Հուղարկավորությունը կկայանա դեկտեմբերի 26-ին, ժամը՝ 12:30-ին, նույն սրահից՝ Արագածոտնի մարզի Հարթավան գյուղում։

Վլադիմիր Գևորգի Պետրոսյանը կմնա ամենքիս հիշողության մեջ որպես սկզբունքային մտավորական, պատմության հանդեպ խոր պատասխանատվությամբ գիտնական և սերունդներ կրթած ուսուցիչ, որի թողած գիտական ու գաղափարական ժառանգությունը դեռ երկար ժամանակ կմնա արդիական ու պահանջված։
Թող նրա հիշատակը լինի պայծառ։

Հիշատակն արդարոց օրհնությամբ եղիցի...

ՀՐԱՆՏ ՍԱՐԱՖՅԱՆ

Այս թեմայով Վլադիմիր Պուտինը Սանկտ Պետերբուրգում երկկողմ հանդիպում կանցկացնի Նիկոլ Փաշինյանի հետ Իլհամ Ալիևը չի մասնակցի ԱՊՀ երկրների ղեկավարների ոչ ֆորմալ հանդիպմանը ՌԴ նախագահ Վլադիմիր Պուտինը կարևոր ազդանշան է հղել Արևմուտքին Լրագրողը Վլադիմիր Պուտինին հրավիրել է իր հարսանիքին Ցմահ ազատազրկում է սպառնում Վլադիմիր Սոլովյովի դեմ մահափորձի գործով գլխավոր մեղադրյալին