Թրամփը կայցելի՞ Մոսկվա

­Հի­շո՞ւմ եք «Կա­րիբ­յան ծո­վի ծո­վա­հեն­նե­րը»: Ներ­կա պա­հին Կա­րիբ­յան ծո­վում ոչ պա­կաս դրա­մա­տիկ ի­րա­վի­ճակ է ստեղծ­վել: Այն է՝ ա­մե­րի­կա­ցի­նե­րը գրա­վե­ցին հեր­թա­կան նավ­թա­տար տան­կե­րը՝ չտա­լով ոչ մի բա­ցատ­րութ­յուն: Ա­վե­լին, Թ­րամ­փը բաց տեքս­տով հայ­տա­րա­րեց՝ Միաց­յալ Նա­հանգ­նե­րը մտա­դիր է պա­հել Վե­նե­սո­ւե­լա­յի ա­փե­րի մոտ բռնագ­րավ­ված նավ­թա­տար­նե­րը: Իսկ դրան­ցում ե­ղած նավ­թը կա´մ կ­վա­ճա­ռեն, կա´մ կլ­րաց­նեն ա­մե­րիկ­յան ռազ­մա­վա­րա­կան պա­շար­նե­րը, ո­րոնք Բայ­դե­նի ժա­մա­նակ­նե­րում հա­սել էին նվա­զա­գույ­նի, եւ լրաց­նե­լու հա­մար կար ֆի­նան­սա­կան խնդիր:

­Սա, ի դեպ, նոր ի­րա­վի­ճակ է ստեղ­ծում աշ­խար­հի մասշ­տա­բով: Այն է՝ ա­մե­րիկ­յան գոր­ծո­ղութ­յուն­ներն օ­րի­նակ են ծա­ռա­յում այն գա­ղա­փա­րի հա­մար, որ ով ու­զում է, որ­տեղ ու­զում է, կա­րող է վերց­նել, ինչ ու­զում է, եւ դրա­նում ի­րա­վուն­քը ոչ մի դեր չու­նի: Կա­րող ես, վերց­րու. հին ծո­վա­հե­նա­կան մե­խա­նիզ­մը:

­Սա­կայն բա­ցի վե­նե­սո­ւե­լա­կան նավ­թից, իր վեր­ջին ե­լույ­թում Թ­րամ­փը գնա­հա­տեց նաեւ բա­նակ­ցութ­յուն­նե­րը, ո­րոնք իր ներ­կա­յա­ցու­ցիչ­նե­րը վա­րե­ցին ուկ­րաի­նա­ցի­նե­րի եւ ռուս­նե­րի հետ՝ Մա­յա­միում: Ու այս­տեղ եւս մեկ ու­շագ­րավ դրվագ ֆիքս­վեց: Նախ, ա­վե­լի վաղ Ո­ւիտ­կո­ֆը միան­գա­մայն դրա­կան գնա­հա­տում տվեց բա­նակ­ցութ­յու­նն­երի ըն­թաց­քին՝ հայտ­նե­լով, որ հե­տա­գա հա­ջո­ղութ­յուն­նե­րի հույ­սեր կան: Բայց ա­հա, պետ­քար­տու­ղար Մար­կո Ռու­բի­նոն, ինչ­պես վեր­ջերս հա­ճախ է պա­տա­հում, միան­գա­մայն հա­կա­ռակ կար­ծի­քին էր: Այն է՝ բա­նակ­ցա­յին ռեալ շարժ չկա, եւ պետք է հա­ջո­ղութ­յան հաս­նե­լու հա­մար շա­րու­նա­կել ճնշել Ռու­սաս­տա­նին: Մո­տա­վո­րա­պես նույն մո­տե­ցու­մը, ո­րը ա­ռաջ են տա­նում եվ­րագ­լո­բա­լիստ­նե­րը: Կար մեկ­նա­բա­նութ­յուն, որ պետ­քար­տու­ղարն ըն­դա­մե­նը դրա­նով խան­դի նշան­ներ է դրսե­ւո­րում: Ի պաշ­տո­նե, հենց նա պետք է զբաղ­վեր հիմ­նա­կան քա­ղա­քա­կան գոր­ծըն­թաց­նե­րով: Բայց ա­հա, Թ­րամ­փը նա­խընտ­րում է ա­ռանց­քա­յին հար­ցե­րում, ինչ­պես, ասենք, Գա­զան է, հի­մա ուկ­րաի­նա­կան ուղ­ղութ­յու­նը, գոր­ծել Ո­ւիտ­կո­ֆի մի­ջո­ցով՝ նրան կցե­լով իր փե­սա­յին: Իսկ դա պետ­քար­տու­ղա­րին խա­ղից դուրս վի­ճա­կում է պա­հում, եւ կա­րող էր խան­դի զգա­ցո­ղութ­յուն ա­ռա­ջաց­նել:

­Բայց, Ռու­բի­նո­յի նման մո­տե­ցում­նե­րը կա­րող են նաեւ նշա­նա­կել, որ Թ­րամ­փի թի­մում Մոսկ­վա­յի հետ կապ­ված կա եր­կու թիմ՝ էա­պես տար­բեր­վող մո­տե­ցում­նե­րով: Ըստ այդմ, կա նաեւ այն պարզ հար­ցը, թե ի­րա­կա­նում Թ­րամ­փը ին­չո՞ւ է գլո­բա­լիս­տա­կան ուղղ­վա­ծութ­յանն այդ­քան հա­մա­հունչ խո­սող պետ­քար­տու­ղար պա­հում: Ի­հար­կե, դա մի կող­մից հար­մար է. անհ­րա­ժեշ­տութ­յան դեպ­քում նա կա­րող է ա­ռա­ջին պլա­նից հետ քա­շել Ո­ւիտ­կո­ֆին՝ ա­ռաջ մղե­լով Ռու­բի­նո­յին: Սա­կայն նման ի­րա­վի­ճակ ար­դեն ե­ղել է, երբ Թ­րամ­փի նա­խա­ձեռ­նութ­յամբ բա­նակ­ցա­յին գոր­ծըն­թա­ցը տե­ղա­փոխ­վեց Ռու­բի­նո-­Լավ­րով հար­թութ­յուն: Բա­նը հա­սավ պետ­քար­տու­ղա­րի նա­խա­ձեռ­նութ­յամբ՝ Ռու­սաս­տա­նի դեմ ա­մե­րիկ­յան նոր պատ­ժա­մի­ջոց­նե­րին, Լավ­րո­վը չա­փա­զանց կոշտ տո­նայ­նութ­յամբ սկսեց խո­սել Ռու­բի­նո­յի հետ: Կարճ ա­սած, ա­մե­րիկ­յան միջ­նոր­դութ­յան հար­ցը հա­սավ տա­պալ­ման շե­մին, իսկ Թ­րամ­փի թի­մում ա­ռաջ ե­կավ այն մո­տե­ցու­մը, որ նա հրա­ժար­վել է իր բո­լոր գա­ղա­փար­նե­րից եւ անց­նում է գլո­բա­լիս­տա­կան թեւ: Ո­րից հե­տո միայն Թ­րամ­փը նո­րից ա­ռաջ բե­րեց Ո­ւիտ­կո­ֆին՝ ու­ղար­կե­լով Պու­տի­նի մոտ:

­Բայց նաեւ այն, որ Թ­րամ­փը հետ կան­չեց մոտ 30 երկր­նե­րում (այդ թվում՝ Հա­յաս­տա­նից) ա­մե­րիկ­յան դես­պան­նե­րին, ո­րոնց Ռու­բի­նոն տաք-տաք պա­հում էր, հե­տաքր­քիր մե­սիջ էր: Խոս­քը դեռ Բայ­դե­նի ժա­մա­նակ­ներից նշա­նակ­ված եւ գլո­բա­լիս­տա­կան ուղղ­վա­ծութ­յան դի­վա­նա­գետ­նե­րի մա­սին է, ո­րոնց հե­ռաց­նե­լը դեռ գար­նանն էր մտել օ­րա­կարգ: Բայց, ինչ­պես ո­րոշ ա­մե­րիկ­յան աղբ­յուր­ներ են ակ­նար­կում, կանգ ա­ռավ հենց Ռու­բի­նո­յի մի­ջամ­տութ­յամբ:

Ա­մեն դեպ­քում, իր վեր­ջին ե­լույ­թում Թ­րամփը եւս գնա­հա­տում տվեց, որ Ուկ­րաի­նա­յում հա­կա­մար­տութ­յան կար­գա­վոր­ման բա­նակ­ցութ­յուն­նե­րը շա­րու­նակ­վում են եւ լավ են ըն­թա­նում։ Այն է՝ ա­ռաջ տա­րավ Ո­ւիտ­կո­ֆից ե­կող մո­տե­ցու­մը: Ա­վե­լին, այս պա­հին սկսում է ակ­տիվ խո­սակ­ցութ­յան թե­մա դառ­նալ, որ կա­րող է տե­ղի ու­նե­նալ Թ­րամ­փի այ­ցը Ռու­սաս­տան, ո­րը կդառ­նա Պու­տի­նի՝ Ալ­յաս­կա այ­ցի եւ երկ­կողմ բա­նակ­ցութ­յու­ննե­րի շա­րու­նա­կութ­յու­նը: Ընդ ո­րում, հաշ­վի առ­նե­լով, որ Բու­դա­պեշ­տում ծրագր­ված Պու­տին-Թ­րամփ հան­դի­պու­մը ձա­խող­վեց է­լի հիմ­նա­կա­նում Ռու­բի­նո­յի պատ­ճա­ռով, սկսել է միա­ժա­մա­նակ խո­սակ­ցութ­յան թե­մա դառ­նալ, որ Թ­րամ­փը կա­րող է առ­հա­սա­րակ հե­ռաց­նել պետ­քար­տու­ղա­րին:

Տես նաեւ https://t.me/iravunk/62514 

Այս թեմայով Ժիրինովսկու պատվին ՌԴ-ում Մոսկվա-Ադլեր երթուղով գնացք կգործարկվի Մոսկվա է ժամանել Սիրիայի պատվիրակությունը Թրամփը կհանդիպի՞ Պուտինի հատուկ ներկայացուցչի հետ Թրամփը պետք է բանակցի, գործարք կնքի ինքն իր հետ, եւ ինքն իրեն մեկ միլիարդ վճարի Թրամփը չհիշատակեց Վենեսուելյի դեմ պատերազմի մասին` ազգին ուղղված ուղերձում