«ՀՈՎՀԱՆՆԵՍ ԲԱՉԿՈՎՆ ՈՒ ԴԱՎԻԹ ՉԱԼՈՅԱՆԸ ԿԱՐՈՂ ԷԻՆ ՈՍԿԵ ՄԵԴԱԼՈՎ ՎԵՐԱԴԱՌՆԱԼ ՀԱՅՐԵՆԻՔ». ԲՌՆՑՔԱՄԱՐՏԻ ՀԱՅԱՍՏԱՆԻ ՀԱՎԱՔԱԿԱՆԻ ԳԼԽԱՎՈՐ ՄԱՐԶԻՉ ՌՈՒԴԻԿ ՄԿՐՏՉՅԱՆ

Iravunk. com -ի մարզական լրագրողը Գյումրիում հանդիպել ու զրուցել է վերջերս Դուբայում կայացած Բռնցքամարտի IBA -ի Աշխարհի առաջնությունում բրոնզե մեդալ նվաճած կաշվե ձեռնոցի մարտիկ ՌՈՒԴՈԼՖ ԳԱՐԲՈՅԱՆԻ հետ։

- Շնորհավորում ենք, Ռուդոլֆ, Աշխարհի առաջնությունում բրոնզե մեդալի արժանանալու կապակցությամբ։

- Շատ շնորհակալ եմ։ Հանդես եկա 51 կգ քաշային կարգում։ Մեկնարկային մենամարտում 5։0 հաշվով հաղթեցի Պորտուգալիայի ներկայացուցչին, ով բավականին շատ ուժեղ մրցակից էր, հետո կրկին 5։0 հաշվով պարտության մատնեցի կուբացի մարզիկին։ Կիսաեզրափակչում, ափսոս 5։0 հաշվով զիջեցի Ուզբեկստանի ներկայացուցչին, ով Օլիմպիական խաղերի չեմպիոնն էր, շատ ուժեղ էր, բայց մրցավարներն էլ էին անարդար վարվում։ Այս մեդալը շատ կարևոր էր, թեև կարող էի ավելի բարձր արդյունքի հասնել։

- Ռուդոլֆ, Օլիմպիական խաղերի չեմպիոնի հետ էիր պայքարում կիսաեզրափակչում, հետաքրքիր է, թե ինչպես էիր տրամադրված նրա դեմ։

-Միայն հաղթական էի տրամադրված, ցանկանում էի ոսկե մեդալով վերադառնալ հայրենիք։Չստացվեց, բայց իմ հնարավորության սահմաններում ամեն ինչ արեցի։ Հիմնականում ինձ փորձի պակասը խանգարեց։

Բռնցքամարտի Հայաստանի հավաքականի գլխավոր մարզիչ ՌՈՒԴԻԿ ՄԿՐՏՉՅԱՆԸ, Գյումրիում մեզ հետ զրույցում, այսպես ամփոփեց ԱԱ-ն.

- Ես շատ գոհ եմ մեր մարզիկներից, 5 բրոնզե մեդալ երբևէ Աշխարհի առաջնություններից չենք ունեցել։ Սակայն ավելի լավ կարող էր լինել, Հովհաննես Բաչկովն ու Դավիթ Չալոյանը կարող էին ոսկե մեդալով վերադառնալ հայրենիք, ցավոք, մրցավարները անարդար վարվեցին և նրանց հաղթանակները շնորհեցին մրցակիցներին։ Մենք պատմական նվաճում ենք գրանցել, ինչը շատ մեծ արդյունք եմ համարում։ Նշեմ, որ Բռնցքամարտի IBA -ի Աշխարհի առաջնությունը, կայանում է երկու տարին մեկ անգամ։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով ԱՅՍՕՐ ԱՆՎԱՆԻ ՀՈՒՆԱՀՌՈՄԵԱԿԱՆ ՈՃԻ ԸՄԲԻՇ ՎԻԳԵՆ ՆԱԶԱՐՅԱՆԻ ԾՆՆԴՅԱՆ ՕՐՆ Է Հայտնի է, թե ովքեր են առաջադրված «Հանդիսատեսի համակրանք» անվանակարգում Բրոնզից գոհ եմ, սակայն գիտակցում եմ, որ կարող էի հասնել ավելիին. ՄԵԾԱՀԱՍԱԿՆԵՐԻ ԵՎՐՈՊԱՅԻ ՓՈԽՉԵՄՊԻՈՆ ԱՐԹՈՒՐ ԲԱԶԵՅԱՆ Սպերցյանը ճանաչվել է Ռուսաստանի Պրեմիեր լիգայի նոյեմբեր-դեկտեմբերի լավագույն ֆուտբոլիստ ԱՌԱՋԻՆ ԱՆԳԱՄ ՈՒՆԵՑԱՆՔ ՕԼԻՄՊԻԱԿԱՆ ԿԱՐԱՏԵԻ ԱՇԽԱՐՀԻ ՄԵԾԱՀԱՍԱԿՆԵՐԻ ԱՌԱՋՆՈՒԹՅԱՆ ՄԵԴԱԼԱԿԻՐ