Տիկնիզյանը նշել է թե որքան էր վաստակում առաջ և հիմա

Սերբական «Ցրվենա Զվեզդայի» պաշտպան Նաիր Տիկնիզյանը, ով նախկինում հանդես էր գալիս մոսկովյան «Լոկոմոտիվի» կազմում, բացահայտել է Ռուսաստանում և Սերբիայում իր ստացած եկամուտների հստակ չափը։ 

«Ցրվենա Զվեզդայում» նրա մաքուր եկամուտը կազմում է 600 հազար եվրո։ Միևնույն ժամանակ նա նշել է, որ «Լոկոմոտիվում» վարձատրությունն ավելի բարձր էր. այնտեղ ֆուտբոլիստը ստանում էր ամսական 5,5 միլիոն ռուբլի (տարեկան մոտ 750 հազար եվրո)։

Տիկնիզյանի խոսքով՝ իր որոշման գլխավոր դրդապատճառը սպորտային հավակնություններն են եղել.

«Ես սա բացատրում եմ Եվրոպայում խաղալու ցանկությամբ։ Աստված հնարավորություն է տալիս հանդես գալ եվրոպական ասպարեզում, լինել նման մեծ ակումբի հիմնական կազմի խաղացող։ Գումարի հարցը կարևոր է, երբ դու ընտանիքի տեր ես, հայր ես, բայց այս իրավիճակը նման է 5 տարի առաջվա պատմությանը, երբ ես վարձավճարով տեղափոխվեցի Կուրսկի «Ավանգարդ»։ Այն ժամանակ ևս ես գնացի հանուն ֆուտբոլի, և ի վերջո ֆուտբոլն ինձ փոխհատուցեց դրա համար։

Չեմ հասկանում այն մարդկանց, ովքեր բարձր աշխատավարձ ունեն և դեռ ավելին են ուզում: Իմ կյանքի ծրագիրն այն է, որ երեխաները բնակարան ունենան, ծնողները՝ նույնպես: Հայրս ունի, մորս համար բնակարան եմ վարձակալում, տա Աստված՝ մոտ ժամանակներս կհաջողվի տունը գնել», ասել է հայ ֆուտբոլիստը։

Այս թեմայով Այլ տարբերակներ ևս կային. Տիկնիզյանի գործակալը ֆուտբոլիստի տրանսֆերի մասին Հուսով եմ՝ սա Տիկնիզյանի կարիերայի վերջին բարձրակարգ թիմը չէ. Մելիքյան «Օլիմպիակոսի» մարզիչը հիացած է Տիկնիզյանի խաղով Որ խաղահամարի մարզաշապիկով հանդես կգա Տիկնիզյանը «Օլիմպիակոսում» Պաշտոնական. Տիկնիզյանը` «Օլիմպիակոսի» ֆուտբոլիստ. Որքան կվաստակի հայ ֆուտբոլիստը