Չինաստանը դատապարտել է ԱՄՆ-ի կողմից օտարերկրյա նավերի զավթումը

Չինաստանը կտրականապես դեմ է հանդես գալիս ԱՄՆ-ի կողմից օտարերկրյա նավերի կամայական զավթմանը և անօրինական միակողմանի պատժամիջոցների կիրառմանը։ «Արմենպրես»-ի փոխանցմամբ, այս մասին լրագրողների հետ ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Լին Ցզյանը՝ անդրադառնալով վենեսուելական նավթատար նավի հետ կապված միջադեպին։

«Ամերիկյան կողմի՝ օտարերկրյա նավերը կամայականորեն կալանավորելու գործողությունները լրջորեն խախտում են միջազգային իրավունքը», – ընդգծել է դիվանագետը։ Նա հավելել է, որ Պեկինը հետևողականորեն դեմ է միակողմանի պատժամիջոցներին, որոնք չունեն միջազգային իրավական հիմք և ՄԱԿ-ի Անվտանգության խորհրդի մանդատ։

Արտգործնախարարության խոսնակը նշել է, որ նման գործողությունները խախտում են ՄԱԿ-ի կանոնադրության նպատակներն ու սկզբունքները, ինչպես նաև այլ պետությունների ինքնիշխանությունն ու անվտանգությունը։

Չինական կողմն աջակցություն է հայտնել Վենեսուելայի անկախ զարգացման և նորմալ միջազգային համագործակցության իրավունքին։

Դեկտեմբերի 10-ին ԱՄՆ նախագահ Դոնալդ Թրամփը հայտարարել է վենեսուելական նավթ տեղափոխող պատժամիջոցների տակ գտնվող նավթատար նավի  նկատմամբ հսկողություն հաստատելու մասին և նշել, որ Միացյալ Նահանգները պլանավորում է պահել նավթը։

Այս թեմայով Ամերիկյան գերգաղտնի ռազմական բեռը սխալմամբ ուղարկվել է... Չինաստան Չինաստանի առևտրային հաշվեկշռի դրական մնացորդը հասել է 119 մլրդ դոլարի՝ արտահանման աճի ֆոնին Ո՞ւմ հավատալ՝ Պապոյանի թվերի «հրաշքին», թե՞ Փաշինյանի աղերսագին զանգերին Չինաստանի հազվագյուտ հողային մետաղները սպառնում են եվրոպական արդյունաբերությանը Չինաստանը ներկայացրել է նոր սերնդի միկրոալիքային զենք՝ մինչև 100 ԳՎտ հզորությամբ. Արտակ Զաքարյան