Լոս Անջելեսի դատարանը Անջելինա Ջոլիին պարտավորեցրել է Բրեդ Փիթին փոխանցել գինեգործարանի գործին վերաբերող մի քանի գաղտնի անձնական հաղորդագրություններ

Դերասան Բրեդ Փիթը հասանելիություն է ստացել նախկին կնոջ՝ Անջելինա Ջոլիի, անձնական նամակագրությանը։ Այս մասին հայտնում է People-ը, փոխանցում է gazeta.ru-ն։

Լոս Անջելեսի դատարանը դերասանուհուն պարտավորեցրել է Փիթին փոխանցել գինեգործարանի գործին վերաբերող մի քանի գաղտնի անձնական հաղորդագրություններ։

«2025 թվականի հոկտեմբերի վերջին Փիթի ներկայացուցիչները դատարան էին ուղարկել Ջոլիի էլեկտրոնային նամակագրությունը իր թիմի հետ։ Այդ նամակագրությունից կարելի է եզրակացնել, որ Փիթը Ջոլիի դեմ 35 մլն դոլարի հայց է ներկայացրել վնասի փոխհատուցման համար, ինչպես նաեւ, որ նա ստիպված է վճարել փաստաթղթերի պատրաստման ծախսերը, որոնք կարող են հաստատել կամ չհաստատել վնասը»,-հայտարարել Է Ջոլիի փաստաբանը։

Դատական փաստաթղթերում դերասանն ընդգծել է, որ իր թիմը Ջոլիին 55 մլն դոլար է առաջարկել գինու գործարանում նրա մասնաբաժնի համար, սակայն նա հրաժարվել է նրա հետ բանակցություններից և վաճառել բաժնեմասը Stoli ընկերությանը:

Ինքը՝ Ջոլին, հայտարարել է, որ հրաժարվել է չհրապարակման մասին համաձայնագիր ստորագրելու Փիթի պահանջի պատճառով, որը թույլ չէր տա նրան քննարկել ոչ միայն վաճառքը, այլեւ իրենց անձնական կյանքը: Բրեդ Փիթը և Անջելինա Ջոլին ամուսնացել են 2014 թվականին և բաժանվել 2016 թվականին։

Այս թեմայով ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով ՀՐԱՏԱՊ. Մարդու իրավունքը ժամկետանց փաստաթուղթ չէ, երբ մարդը դադարում է հավատալ արդարադատությանը, վտանգվում է ոչ միայն նրա իրավունքը՝ այլ իրավական պետության հիմքը Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Լևոն Բաղդասարյանի կողմից հնչեցված յուրաքանչյուր գնահատական ինձ համար առանձնահատուկ արժեք ունի. Հրանտ Սարաֆյանի շնորհակալական խոսքը Ոչ միայն ճանաչված լրագրող, այլ արժանի բարեկամ. Հայտնի փաստաբանի շնորհավորական ուղերձը «Իրավունքի» հայտնի լրագրողի տարեդարձին