Բուլղարիայի Հայոց թեմն իր անվերապահ հավատարմությունն է հայտնում Վեհափառ Հայրապետին

Բուլղարիայի Հայոց Թեմի Թեմական Խորհուրդը հայտարարությամբ է հանդել եկել՝ արձագանքելով Նիկոլ Փաշինյանի ընտանիքին պատկանող լրատվամիջոցում տեղ գտած հրապարակմանը։

«Սույն թվականի դեկտեմբերի 17-ին մեզ համար զարմանալի կերպով ականատես եղանք «Հայկական ժամանակ» էլեկտրոնային կայքում հրապարակված մի հոդվածի, որտեղ, ի թիվս այլնի, նշվում էր, թե, իբր, «Բուլղարիայի Հայոց Թեմի Թեմական Խորհուրդն իր լիակատար աջակցությունն ու համերաշխությունն է հայտնում Հայ Առաքելական Սուրբ Եկեղեցու տասը եպիսկոպոսների վերջին ուղերձին»։

Թեև վստահ չենք, որ տվյալ հրապարակման մեջ արտահայտված տեսակետը արտացոլում է Թեմական Խորհրդի բոլոր անդամների ամբողջական կամքը, այնուամենայնիվ, անհրաժեշտ ենք համարում այս առթիվ հրապարակավ հայտնել մեր անհամաձայնությունը նշված կայքում արտահայտված մտքերին։

Դատապարտելով նմանատիպ երևույթները՝ վերահաստատում ենք մեր անսակարկ ու անվերապահ հավատարմությունն ու զորակցությունը Հայ Առաքելական Սուրբ Եկեղեցուն, ի դեմս հոգևոր կենտրոն Մայր Աթոռ Սուրբ Էջմիածնի, ինչպես նաև Ազգային Եկեղեցական Ժողովի կողմից օրինավոր կերպով ընտրված Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսին։

Ստորագրողներ՝

• Բուլղարիայի Հայոց Թեմի Առաջնորդական տեղապահ

• Հոգևոր դաս - ԲՀԹ

• Պլովդիվի «Սուրբ Գևորգ», , Բուրգասի «Սուրբ Խաչ», Ռուսեի «Սուրբ Աստվածածին», Պազարջիկի «Սուրբ Ստեփանոս», Խասկովոյի «Սուրբ Ստեփանոս», Սիլիստրայի «Սուրբ Աստվածածին», Սլիվենի «Սուրբ Ստեփանոս», Յամբոլի «Սուրբ Հակոբ» եկեղեցիների Եկեղեցական վարչություններ

• «Բուլղարիայի Հայ Համայնք» ասոցիացիա

• «Հայ Դատ» Բուլղարիա

• Բուլղարիայի «Հայ Յեղափոխական Դաշնակցություն»

• ՀԲԸՄ Սոֆիա

• ՀԲԸՄ Վառնա

• ՀԲԸՄ Բուրգաս

• «Հայ Օգնության Միության» Բուլղարիայի շրջանային վարչություն

• ՀՄԸՄ - Սոֆիա, Բուրգաս և Ռուսե

• «Երեւան» մշակույթային ընկերակցություն- ք․ Պլովդիվ»,- ասվում է հայտարարությունում։

Այս թեմայով Հայ Առաքելական եկեղեցին այսօր տոնում է Սուրբ Մարիամ. Աստվածածնի ծննդյան օրը. Սեպտեմբերի 8 Իշխանությունները կոպտորեն միջամտում են Հայ Առաքելական եկեղեցու գործերին․ Ռուս ուղղափառ եկեղեցի «Ապահովվելու է Հայաստանյայց Առաքելական Սուրբ Եկեղեցու փաստացի պետի հեռացումը»․ Կառավարության 5-ամյա ծրագիրը Թուրքիայում վերականգնվում է Քառասուն մանուկ հայկական եկեղեցին Փաշինյանի ներկայությամբ Սուրբ Աննայում մի քանի անգամ հնչեց Վեհափառ Հայրապետի անունը