Հայկ Սարգսյանը վստահ է՝ միլիարդատերերի շահերին խփող օրենքի համար են իրեն մերժել կուսակից ընկերները.

«Քաղաքացիական պայմանագիր» կուսակցության վարչությունը մերժել է պատգամավոր Հայկ Սարգսյանի թեկնածությունը գրանցել հաջորդ ընտրություններին մասնակցելու համար։

Նա վստահ է, իր գործունեությամբ «ցավեցրել» է վարչության որոշ անդամների, դրա համար էլ իր թեկնածությանը դեմ են քվեարկել։

«Ես հանդես եմ եկել մի շարք օրենսդրական նախագծերով, որոշ առաջարկներ եմ արել կառավարությանը։ Ամենախնդրահարույց օրենքի նախագիծը, որի պատճառով վարչության անդամներից մեկի գլխավորությամբ որոշել են մերժել իմ առաջադրվելու իրավունքը, հետևյալն է. ես օրենքի նախագիծ եմ հեղինակել օնլայն կազինոների հարկերը կրկնապատկելու վերաբերյալ։

Օրենքն ընդունվեց բուռն քննարկումների արդյունքում։ Դրա արդյունքում ապրիլից մինչև հիմա շուրջ 10 մլրդ դրամ ավելի գումար է մուտքագրվել ՀՀ պետբյուջե։ Ըստ այդ օրենքի նախագծի սահմանված է, որ հունվարի 1-ից, եթե չունենանք խաղային օպերատոր, պետք է 3 անգամ բարձրանան հարկերը։ Տեսնում ենք, որ առաջիկայում խաղային օպերատոր չենք ունենալու։ Ստացվում է, որ հունվարի 1-ից պետբյուջե է մուտքագրվելու 70 մլն ԱՄՆ դոլար հավելյալ գումար։ Այդ գումարները, որ մուտքագրվել են պետբյուջե, նախկինում գնացել են այն մարդկանց գրպանները, որոնք այդ խոշոր ընկերությունների սեփականատերերն են և միլիարդատերեր են»,-ասաց Հայկ Սարգսյանը։

Հարցին, թե այդ սեփականատերերը կապ ունե՞ն իր դեմ քվեարկած մարդկանց հետ, պատասխանեց.

«Իհարկե՛, ունեն»։

Այս թեմայով Ես նման ինֆորմացիա չունեմ. Սերժ Սարգսյան. Տեսանյութ Լեւոն Արոնյանը` Ֆիշերի շախմատի աշխարհի չեմպիոն... Մայր Աթոռի բակում տեղի ունեցածը հայրենադավություն էր, մեր հավատի նկատմամբ ոտնձգություն էր. Սերժ Սարգսյան Ընթանում է Սերժ Սարգսյանի գործով դատական նիստը Հայկ Կոնջորյանը նիստերի դահլիճում էլ է անձնական օգնական պահում, որ ավել չքայլի. «Հրապարակ»