35-ամյա տղամարդը հոր ու կնոջ հետ թմրանյութ է տեղադրել Հրազդանում

ՆԳՆ-ից հայտնում են.

«Նոյեմբերի 27-ին Համայնքային ոստիկանության Հրազդանի բաժնի ծառայողները ստացել էին օպերատիվ տեղեկություն, որ գյումրեցի մի տղամարդ ապօրինի պահում և տեղադրելու միջոցով իրացնում է թմրանյութ։

Ձեռնարկված միջոցառումների արդյունքում ոստիկանները գյումրեցու վարած «Մերսեդեսը» հայտնաբերեցին Շահումյան փողոցում: 35-ամյա գյումրեցին հոր և կնոջ հետ էր, քաղաքի տարբեր հատվածներում արդեն տեղադրել էին թմրանյութով փաթեթներ և հեռախոսով լուսանկարել դրանք։
Ժամը 15։30-ին Հրազդան քաղաքի Րաֆֆու փողոցում գյումրեցիները ձերբակալվեցին և մեքենայով հանդերձ տեղափոխվեցին բաժին: Որդու խուզարկությամբ հայտնաբերվեց թմրամիջոցի հինգ փաթեթ։

Ըստ նրա` հայտնաբերված փաթեթներում թմրանյութ էր, որը ձեռք էր բերել տելեգրամյան ալիքի միջոցով` տեղադրելով իրացնելու նպատակով: Նա հայտնեց նաև, որ ավտոմեքենայի հետևի նստատեղին ևս կան թմրամիջոցով փաթեթներ։

Ավտոմեքենան տեղափոխվեց պահպանվող հատուկ տարածք, իսկ կազմված փաստաթղթերը ներկայացվեցին Կոտայքի մարզային քննչական վարչություն։
Նախաձեռնված քրեական վարույթի շրջանակում կատարված դեպքի վայրի զննությամբ Հրազդան քաղաքի Շահումյան փողոցի հարևանությամբ գտնող կիսաքանդ պատնեշի մոտ, երեք առանձին հատվածներում, հայտնաբերվեց նրանց տեղադրած երեք փաթեթ։

Դատարանի որոշմամբ հաջորդ օրը խուզարկվեց նաև «Մերսեդեսը». սրահում հայտնաբերվեց թմրանյութով ևս 20 փաթեթ:

Նախաքննությամբ հանգամանքները պարզվում են»:

Այս թեմայով «Փաստ». Վարորդի կողմից թմրանյութ օգտագործելը կպարզեն տեխնիկական միջոցների կիրառմամբ 17-ամյա աղջիկների մոտ թմրանյութի 64 փաթեթ է հայտնաբերվել. 16-ն էլ տեղադրել են Երևանի տարբեր թաղամասերում Առգրավվել է մեծաքանակ մեթամֆետամին և մարիխուանա. Երևանի քրեական ոստիկանների հերթական բացահայտումը Թմրանյութ իրացնողներին բռնել են Լուկաշինի փողոցում Վարսեր գյուղի 19-ամյա բնակիչը թմրանյութ է իրացրել․ խուզարկությամբ 43 փաթեթ են հայտնաբերել